Palitviaźniu Cichanu Osipavu, jakoha ŭžo asudzili na 11 hadoŭ, dadali jašče siem miesiacaŭ kałonii
U mahiloŭskaj kałonii №15 siońnia prajšoŭ razhlad kryminalnaj spravy suprać palitźniavolenaha Cichana Osipava, asudžanaha da 11 hadoŭ źniavoleńnia.
Ciapier jaho sudzili pa č. 2 art. 411 KK (złosnaje niepadparadkavańnie patrabavańniam administracyi papraŭčaj ustanovy).
Spravu razhladała sudździa Kastryčnickaha rajona Mahilova Natalla Kraškina. Žonku Cichana na praces nie puścili.
U papraŭčuju kałoniju №15 palitviaźnia pieraviali 15 žniŭnia 2021 hoda. Za siem miesiacaŭ u kałonii jaho ŭžo dvojčy karali sutkami ŭ ŠIZA i dva razy źmiaščali ŭ PKT. Apošni raz u pamiaškańnie kamiernaha typu jaho adpravili na 4 miesiacy, dzie jon pavinien byŭ znachodzicca da 14 krasavika.
U vyniku Cichanu dadali siem miesiacaŭ źniavoleńnia.
Cichan Osipaŭ — inžynier BNTU, kiroŭca BMW, jaki ŭ žniŭni 2020 hoda akazaŭsia ŭdzielnikam padziej, što pryviali da jaho aryštu i kryminalnaha terminu. Minski haradski sud prysudziŭ jaho da 11 hadoŭ pazbaŭleńnia voli ŭ kałonii ŭzmocnienaha režymu. Chłopca pryznali vinavatym adrazu pa troch artykułach KK: zamach na zabojstva vajskoŭcaŭ (č. 1 art. 14 i 362), udzieł u masavych biesparadkach (č. 2 art. 293), zahadzia iłžyvy danos (č. 1 art. 400).
Padtrymajcie Cichana: PK №15, 213105, h. Mahiloŭ, p/a Viejna, Słaŭharadskaja šaša 183, Cichan Siarhiejevič Osipaŭ.
Čytajcie taksama:
25-hadovaha Cichana Osipava za najezd na aŭtamabili na amapaŭcaŭ asudzili na 11 hadoŭ
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ43
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary