Suviaź: faktar pośpiechu ŭkraincaŭ, pra jaki vy naŭrad ci viedajecie

Na praciahu miesiaca z pačatku vajny ŭkrainskija telekamunikacyjnyja servisy ŭstojliva pracujuć u novych umovach. Šyrokapałosny internet i biespravadnaja suviaź adsutničajuć tolki padčas samych mocnych abstrełaŭ. Siarod pryčyn pośpiechu — śmiełaja praca ramontnych bryhad i nadziejnyja technałohii, što vykarystoŭvajuć mabilnyja apieratary, piša Wall Street Journal.

Jak kažuć ekśpierty, nadziejnaja praca mabilnaj suviazi dapamahaje abaroncam Ukrainy. Najaŭnaść biespravadnoha internetu dazvalaje miascovym žycharam infarmavać raźviedku pra pazicyi voraha i dapamahaje raspaŭsiudzić zdymki i videa atak na mirnyja abjekty. Heta nazyvajuć adnym z faktaram, jaki, mahčyma, spryjaje pośpiechu ŭkrainskaha supraciŭleńnia.

Pavialičyć

Vosiem hod vajny na ŭschodnich miežach padrychtavali telekamunikacyjny siektar da pracy va ŭmovach poŭnamaštabnaha ŭvarvańnia. Apieratary biespravadnoj suviazi dazvolili abanientam karystacca pasłuhami kankurentaŭ, što zrabiła suviaź bolš nadziejnaj.

Kampanii taksama pašyryli pakryćcio terytoryi, kab uzajemadziejničać z bolšaj kolkaściu klijentaŭ. Toj ža «Kijeŭstar», naprykład, pradastaviŭ biespravadny internet bolš čym u 200 bombaschoviščaŭ. Inšy apieratar, Lifecell, śćviardžaje, što apošnija dva miesiacy pierad ŭvarvańniem jaho supracoŭniki zajmalisia palapšeńniem biespravadnoj suviazi na zachadzie krainy, kudy paźniej pryjechali miljony ŭciekačoŭ.

Ukrainskija mabilnyja sietki ŭsio ž nie viečnyja. U haradach nakštałt Charkava, Chiersona ci Maryupala, što trapili pad samyja mocnyja abstreły, dostup da internetu pahoršyŭsia ci ŭvohule źnik. Ale analityki ličać, što situacyja mahła b być i horšaj — naprykład, rasijskija siły, jak vyhladaje, nie ŭziali pad kantrol vyški na niadaŭna zachoplenych terytoryjach. Pradstaŭniki apierataraŭ kažuć, što toje, jak Rasija naroščvała svaju vajennuju prysutnaść na praciahu apošnich hadoŭ, dało im čas dadać zapasnyja optavałakonnyja kabieli i raspracavać płany na vypadak nadzvyčajnych situacyj.

Dapamahajuć nie tolki apieratary. Télécoms Sans Frontières, francuzskaja niekamiercyjnaja arhanizacyja, śćviardžaje, što vysyłaje spadarožnikavyja telefony ŭ zony ciažkich abstrełaŭ va Ukrainie. Starlink, siervis spadarožnikavaha internetu ad kampanii SpaceX, nakiravaŭ va Ukrainu ŭłasnuju techniku, kab ukraincy atrymali dostup da internetu praź jaje.

Rasija ŭžyła va Ukrainie hipierhukavuju zbroju. Što jana saboj ujaŭlaje?

Ukraina padklučaje NFT-tokieny da finansavańnia armii

• 0
• 0
• 0
• 0
• 0
• 0
• 0
• 0