Sud nad Alesiem Puškinym: mastak u znak pratestu loh u biełaj robie na turemnuju łaŭku
U Minskim haradskim sudzie (vuł, Dunina-Marcinkieviča, 3) siońnia pačaŭsia sud nad mastakom Alesiem Puškinym. Jamu pahražaje da 12 hadoŭ turmy.
Mastak loh na łaŭcy ŭ kletcy ŭ biełaj robie, takim čynam pratestujučy, paviedamlaje «Radyjo Svaboda».
Taksama Puškin admoviŭsia ŭstavać, patrabujučy źniać z ruk kajdanki.
Usich naviedvalnikaŭ vyhnali z zały, pakul kanvoj sprabavaŭ padniać mastaka.
Puškina zatrymali 30 sakavika ŭ vioscy Žyličy Kiraŭskaha rajona ŭ carkvie, na restaŭracyi jakoj toj pracavaŭ.
Za čatyry dni da hetaha prakuratura Hrodna zaviała suprać Puškina kryminalnuju spravu «za ździajśnieńnie naŭmysnych dziejańniaŭ, skiravanych na reabilitacyju i apraŭdańnie nacyzmu» (č. 3, art. 130) — na vystavie ŭ Hrodnie demanstravaŭsia partret udzielnika antysavieckaha pavajennaha padpolla Jaŭhiena Žychara.
U kancy śniežnia 2021 hoda da hetaha jašče dadaŭsia «ździek ź dziaržaŭnych simvałaŭ». Mastaku pahražaje da 12 hadoŭ źniavoleńnia.
Kamientary