Ad 290 da 670 rubloŭ. Top puchavikoŭ ad biełaruskich dyzajnieraŭ
Hałoŭnaja reč u harderobie na chałodny siezon — puchavik. Supierabjomny, prytaleny, sa štučnym futram… Pahladzieli navinki ad ajčynnych brendaŭ i ceny na ich.
Zibra
Hety moładzievy brend — za dziorzkaść i zručnaść. Jany šyjuć puchaviki roznych koleraŭ — ad spakojnaha moka i małočnaha da zialonaha i błakitnaha. Jość ukaročanyja i daŭhija madeli. Asabliva ŭtulna vyhladajuć palito z sacinavaj tkaniny, aksamitavaj navobmacak.
LSD
Dyzajniery na hetu zimu vypuścili maksi-puchaviki. «My natchnialisia lehiendarnym puchavikom-koŭdraj 1999 hoda Martin Margiela, a taksama samym utulnym miescam doma — ciopłym łožkam», — padzialilisia jany. U palito zdymny padšyvany šalik. Puchavik raźličany navat na surovyja marazy da -25.
Brend vypuskaje taksama kažuchi z eka-skury — u izumrudnym, čornym i bežavym kolerach.
Citydzen
Puchaviki-abłoki vypuskaje Citydzen. Kali lubicie abjomnyja rečy i jarkija kolery — toje, što treba. U dyzajnieraŭ jość i niezvyčajnaja madel — kiejp-pałatka. Modny, ciopły i dobra hladzicca na fonie šerych panelek i biełaha śniehu.
MURMUR
Hety brend prapanuje kłasičny prytaleny puchavik z pojasam. Strymanyja kolery (piasočny, šera-błakitny) lohka ŭpišucca ŭ dziełavy ci štodzionny dres-kod.
Achinovich
Dyzajnierka stvaraje adzieńnie dla tych, chto stamiŭsia ad zvyčajnaj bazy i lubić hrafičny dyzajn. Zimovyja palito — nie vyklučeńnie. Asabliva ŭtulna vyhladaje madel sa štučnym futram. Palito dobra spałučajucca i z hrubymi čaravikami, i z kłasičnymi łodačkami.
Elema
Pry vypusku navinak fabryka zrabiła staŭku na A-siłuet, kaŭniary z futra trusika i koler mietalik. U takim puchaviku vam harantavany vobraz salidnaj žančyny. Kali šukajecie bolš raźniavoleny varyjant, pryhledźciesia da papiarednich kalekcyj.
ZNWR
Tak, napeŭna, vyhladaŭ by puchavik kasmanaŭta, u jakim niastrašna vychodzić u adkryty kosmas. Ale i dla biełaruskaj zimy, dzie časam zdarajucca mocnyja zaviei i marazy, udały varyjant. Vysoki kaŭnier-stojka abaronić ad vietru, a padkładka sa stylovym pryntom — ad chandry.
Kamientary