Na fonie zboru tysiač mihrantaŭ na źniešniaj miažy ES ź Biełaruśsiu ministr unutranych spraŭ FRH Chorst Ziejechofier zaklikaŭ Jeŭrasajuz akazać padtrymku Polščy i Niamieččynie.
«Polščy ci Niamieččynie ŭ adzinočku nie spravicca. Zhurtavacca pavinny ŭsie krainy ES, pakolki Alaksandr Łukašenka sprabuje vykarystać losy ŭciekačoŭ, kab destabilizavać Zachad», — zajaviŭ jon u intervju haziecie Bild, paviedamlaje Deutsche Welle.
«My pavinny dapamahčy polskamu ŭradu va ŭstalavańni paradku na źniešniaj miažy. Heta pa sutnaści sprava Jeŭrakamisii, i ja zaklikaju jaje pryniać miery», — skazaŭ Ziejechofier.
Sa słoŭ Ziejechofiera, Polšča pakul što reahuje pravilna na situacyju. Kiraŭnik MUS Niamieččyny vitaŭ uźviadzieńnie ściany na miažy ź Biełaruśsiu i zaklikaŭ dapamahčy Polščy ŭ jaje ŭźviadzieńni.
«My nie možam krytykavać ich za toje, što jany abaraniajuć źniešniuju miažu ES dapuščalnymi srodkami. Naturalna, nie z dapamohaj ahniastrelnaj zbroi, ale z dapamohaj inšych srodkaŭ, najaŭnych u ich u rasparadžeńni», — skazaŭ jon.
Sa svajho boku parłamiencki stats-sakratar u MUS Niamieččyny Štefan Majer prapanavaŭ Varšavie nakiravać u Polšču niamieckich palicejskich dla achovy miažy.
«My prapanujem Polščy lubuju dapamohu, kab adbić napad na miažy ź Biełaruśsiu. Niamieččyna moža vielmi chutka adpravić u Polšču palicejskich dla akazańnia sadziejničańnia, kali Polšča pažadaje hetaha», — skazaŭ jon u intervju haziecie Bild.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ43
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary