Darja Łosik: Listy da muža abryvajuć, pakidajučy niekalki skazaŭ
Žonka palitviaźnia Ihara Łosika raspaviała ŭ svaim fejsbuku, što ŭ homielskim SIZA abryvajuć jaje listy da muža, pakidajučy ŭsiaho niekalki skazaŭ.
«U minułuju subotu ja atrymała ad Ihara list, u jakim jon sa ździŭleńniem pytaŭsia, čamu ja pišu na abryŭkach papiery i čamu jon składajecca ŭsiaho ź niekalkich vyrazaŭ. Paradoks u tym, što tak listy ja nikoli nie pišu, dy i da hetaha nijakich pretenzij ad majho muža z hetaj nahody nikoli nie było. I tut stanovicca zrazumieła, što cenzar, čytajučy listy, prosta abryvaje ich, pakidajučy niekalki skazaŭ z tekstu.
A ciapier pytańnie: «Što pavinna pryjści kamu-niebudź ź ich u hałavu, kab pačać tak rabić?» Bo jany vydatna viedajuć, što ja znachodžusia tut [u SIZA] uvieś čas i lubymi šlachami padtrymlivaju svajho muža, starajusia jak maha čaściej pra jaho havaryć. Kali jany tak raspraŭlajucca sa zvyčajnymi listami, to vy tolki ŭjavicie, jakuju pahrozu dla ich ujalajuć razumnyja i mocnyja ludzi. Tamu jany hatovyja prydumlać usio što zaŭhodna, imknučysia choć niejak napaskudzić», — padzialiłasia Darja.
***
Žurnalista i błohiera Ihara Łosika zatrymali bolš čym hod tamu, 25 červienia 2020 hoda. Sud pačaŭsia roŭna praz hod, 24 červienia 2021 hoda. Jaho sudziać u Homieli razam ź Siarhiejem Cichanoŭskim, Mikołam Statkievičam, Uładzimiram Cyhanovičam, Arciomam Sakavym i Dźmitryjem Papovym. Praces idzie za začynienymi dźviaryma na terytoryi homielskaha SIZA №3, dzie trymajuć usich abvinavačanych. Nichto ź ichnich blizkich nie moža na jaho trapić, usie advakaty znachodziacca pad padpiskaj ab nievydavańni.
Darja, jakaja žyvie ŭ Baranavičach, raskazvała, što pryjazdžaje ŭ pačatku tydnia ŭ Homiel i faktyčnaje dniuje pad ścienami SIZA.
«Ja tut kožny dzień». Darja Łosik pra toje, jak dniuje pad ścienami SIZA, dzie sudziać muža
Cichanoŭski patłumačyŭ, čamu jon tak pavodziŭ siabie ŭ Ńju-Jorku124
Kamientary