U Baranavičach upaŭ vajskova-vučebny samalot Jak-130.
«Chvilin tryccać užo hudzie viertalot. Da taho latali samaloty, byŭ čutny hrukat. Ciapier usia vulica Rozy Luksiemburh u šoku, tam papadali reštki. Z taho, što kažuć na rynku — piłot paśpieŭ advieści samalot ad damoŭ i ruchnuŭ u poli za pryvatnym siektaram. Ciapier usie cikaŭnyja rušyli tudy», — raskazała «Našaj Nivie» žycharka Baranavičaŭ.
Žychary baranavickaha rajona Uschodni, najbližejšaha da miesca katastrofy, paviedamlajuć, što ad ranicy nazirali za palotami bajavoj avijacyi — rajon znachodzicca pobač z avijabazaj, nad im samaloty zachodziać na pasadku.
«Latali spačatku čaćviorkami, potym dvojkami, potym na maich vačach samalot straciŭ kiravańnie i pajšoŭ uniz», — kaža śviedka.
Śviedki paviedamlajuć, što advieści samalot u pole miž horadam i Litoŭskim lesam nie vyjšła, jon upaŭ u pryvatny siektar. Parašut piłota niedaloka, ale ci svoječasova jon katapultavaŭsia — nieviadoma. Dalej pa maršrucie zachodu na pasadku, paśla rajona «Uschodni», znachodzicca naftabaza.
Pres-słužba Minabarony paviedamiła, što krušeńnie paciarpieŭ vajskovy samalot Lidskaj šturmavoj avijabazy Jak-130.
«Pry vykanańni vučebna-trenirovačnaha palotu ekipaž vyjaviŭ techničnuju niaspraŭnaść. Prajaviŭšy mužnaść i hieraizm, piłoty imknulisia advieści samalot ad nasielenaha punkta. Pierakanaŭšysia, što trajektoryja padzieńnia samalota znachodzicca pa-za žyłymi damami, lotčyki katapultavalisia. Na žal, abodva lotčyki zahinuli», — havorycca ŭ paviedamleńni
Palot vykonvali kamandzir źviana vučebna-bajavoj eskadrylli 116-y šab major Ničyporčyk Andrej Uładzimiravič i lejtenant Kukanienka Mikita Barysavič — lotčyk źviana vučebna-bajavoj eskadrylli na Jak-130 116-y šab. Inšych achviar i razbureńniaŭ niama».
Minabarony paviedamlaje, što siemjam zahinułych budzie akazana dapamoha.
***
Lotčyk Andrej Ničyporčyk — pradstaŭnik vajskovaj dynastyi. Jahony baćka Uładzimir byŭ lotčykam i pryśviaciŭ niebu 33 hady.
Ničyporčyk-małodšy byŭ kamandziram źviana vučebna-bajavoj eskadrylli.
Raskazvajem pra lotčykaŭ Ničyporčyka i Kukanienku, jakija zahinuli ŭ Baranavičach
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy26
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary