Fatohrafa Valeryja Judzina z Hrodna aštrafavali na 435 rubloŭ za ściažok i nalepku ŭ mašynie. Paličyli pikietavańniem
U Kastryčnickim sudzie Hrodna sudździa Vital Łabocki pryjšoŭ da vysnovy, što fatohraf śpiecyjalna raźmiaściŭ hetyja simvały ŭ aŭto i takim čynam pravioŭ «adzinočny pikiet», piša BAŽ.
Judzin skazaŭ, što maleńki ściažok u aŭto nie źjaŭlajecca pikietavańniem, spasyłaŭsia na Kanstytucyju.
U zakład da vypłaty štrafa ŭ Valeryja Judzina zabrali smartfon, a pracoŭny telefon, jaki zabrali padčas ahladu, sudździa pastanaviŭ viarnuć, bo fatohraf pryvioz dakumienty, što telefon naležyć arhanizacyi, dzie jon pracuje.
Valer Judzin pravioŭ amal dvoje sutak za kratami ŭ hrodzienskim izalatary, umovy ŭtrymańnia tam jon nazvaŭ nievynosnymi. Pa słovach fatohrafa, jon adrazu byŭ adniesieny da «palityčnych» — tak nazyvajuć supracoŭniki izalatara ludziej, jakich zatrymlivajuć za padobnyja «pravaparušeńni». Im nie dazvalajuć siadzieć abo lažać na narach dniom da adboju, u advarotnym vypadku pahražajuć karcaram. Budziać nočču, staviać da ścienki z rukami za śpinaj i pa kamandzie kantralora zahadvajuć nazvać svaje danyja, artykuł, pa jakim zatrymany, i miesca žycharstva. Da «zvyčajnych» aryštantaŭ hetyja miery nie prymianiajucca.
Valeryj Judzin — fatohraf-fryłansier, adzin sa stvaralnikaŭ časopisa «Tvoj horod Hrodno». Da hetaha pracavaŭ u pres-słužbie UUS i pienitencyjarnaj sistemie. Byŭ zatrymany 22 krasavika, kali vyjazdžaŭ na svaim aŭtamabili na pracu. Supracoŭnik DAI vyklikaŭ ludziej u cyvilnym, jakija supravadzili fatohrafa ŭ Kastryčnicki RAUS Hrodna, dzie mužčynu zatrymali na dvoje sutak.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary