Ułada

Daŭno pra vas nie čuli. Dzie ciapier lidar KCHP-BNF Juraś Bieleńki?

Vyśvietliłasia, što jašče hod tamu palityk źjechaŭ u ZŠA i navat paśpieŭ zasnavać tam emihranckuju supołku.

Za apošni hod u Biełarusi było šmat padziej, źjaŭlalisia novyja asoby, pa-inšamu prajaŭlali siabie daŭno viadomyja. Ale zusim nie było čuvać pra Jurasia Bieleńkaha, jaki ŭ adsutnaść Zianona Paźniaka kiravaŭ partyjaj KCHP-BNF u Biełarusi.

Juraś Bieleńki na pierapachavańni Kalinoŭskaha ŭ Vilni ŭ listapadzie 2019 hoda. Fota Nadziei Bužan

«Naša Niva» vyśvietliła, što ŭžo bolš jak hod tamu palityk źjechaŭ u ZŠA, u paŭnočny štat Miniesota. Tam ža žyvuć jaho siastra i dačka.

U intervju emihranckamu vydańniu «Zierkało» Bieleńki kaža: «Amieryka — kraina sapraŭdnaj demakratyi. My vierym, što možam niešta źmianić. U pieršuju čarhu, z dapamohaj pryciahnieńnia ŭvahi da našaj pazicyi miascovych sienataraŭ, a tam hladziš — i da Kanhresa ŭdasca dahrukacca. Režym dyktatara Łukašenki — złačynny, i jon pavinien syści!»

Bieleńki staŭ adnym z suzasnavalnikaŭ arhanizacyi ŭ padtrymku pieramien u Biełarusi. Razam ź im lidarami supołki źjaŭlajucca braty-biznesoŭcy Andrej i Pavieł Sakurcy. Andrej — ułaśnik kampanii Home Stead Road, jakaja ramantuje damy.

«My majem stasunki ź siemjami tam, u Biełarusi, pieravodzim im hrošy, kuplajem pradukty, akazvajem maralnuju padtrymku. Taksama supracoŭničajem ź biełaruskimi arhanizacyjami dapamohi nasielnictvu. My chočam, kab hetyja śmiełyja ludzi, jakija paŭstali suprać samavolstva ŭłady Łukašenki, viedali, što tut, za miažoj, ich padtrymlivajuć», — kaža Bieleńki.

U Štatach palityk zavioŭ błoh na jutubie, dzie šmat havoryć pra Zianona Paźniaka, a taksama krytykuje jahonych praciŭnikaŭ. Pakul vialikuju papularnaść błoh nie zajmieŭ.

Juraś Bieleńki. Skrynšot ź jutuba.

«NN» stała viadoma, što Bieleńki pieršapačatkova jechaŭ u ZŠA ŭ hości da rodnych, ale ŭ suviazi z karanavirusam i vybarami vyrašyŭ pakul nie viartacca. U 2020 hodzie ź Biełarusi ŭ Polšču źjechaŭ jašče adzin ź lidaraŭ KCHP-BNF — Valeryj Bujvał.

Jurasiu Bieleńkamu 60 hadoŭ, jon pracavaŭ načalnikam finansavaha adździeła zavoda «Udarnik», namieśnikam hiendyrektara «Amkador-Trast», byŭ deputatam Viarchoŭnaha Savieta. Paśla emihracyi Zianona Paźniaka vykonvaŭ rolu kiraŭnika KCHP-BNF unutry Biełarusi.

Kamientary

Ciapier čytajuć

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?6

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Usie naviny →
Usie naviny

Pamierła Alaksandra Čarniaŭskaja

Prapahandysty zajavili pra zatrymańnie miadzielskaha muzyki, pra jakoha pisała Bondarava2

Francuzski tyktokier pryhatavaŭ biełaruskuju babku pad pieśniu Karža — i vyklikaŭ sprečku ab prynaležnaści Branska2

Ukrainskaja raźviedka ŭzłamała resursy vytvorcy stratehičnaj avijacyi Rasii

«Nie biažy. Ty nie zmožaš…» Na ŭskrajku Hrodna chodzić miadźviedź, ułady vystupili z papiaredžańniem2

Kampazitar Alejnik choča stvaryć forum dla bičavańnia artystaŭ, jakija padtrymali pratesty ŭ 2020-m6

Biełaruś uvajšła ŭ lik krain ź minimalnymi taryfami na kamunałku3

Ajcišnik pierajechaŭ u Hiermaniju i ŭ 40 hadoŭ staŭ paštaljonam1

«Padrezać aŭtobus — taki sabie varyjant». Nahladny prykład, jak nielha pavaročvać

bolš čytanych navin
bolš łajkanych navin

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?6

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Hałoŭnaje
Usie naviny →

Zaŭvaha:

 

 

 

 

Zakryć Paviedamić