Hałoŭny arbitr futbolnaha matču «Dynama» (Minsk) — BATE (Barysaŭ) hamialčanin Alaksiej Kulbakoŭ zajaviŭ ab źniavazie jaho bryhady z boku pradstaŭnika haspadaroŭ.
U vynikovym pratakole A.Kulbakoŭ, pryznany ŭ 2008 hodzie lepšym arbitram krainy, zapisaŭ što «paśla zakančeńnia pieršaha tajma nie ŭniesieny ŭ pratakoł pradstaŭnik FK «Dynama» Minsk Tumiłovič H. u padtrybunnym pamiaškańni ŭ niecenzurnych vyrazach źnievažaŭ sudziejskuju bryhadu».
Hienadź Tumiłovič źjaŭlajecca namieśnikam hienieralnaha dyrektara «Dynama» pa spartyŭnaj i arhanizacyjnaj pracy.
Na pres‑kanfierencyi paśla matču, jaki zaviaršyŭsia pieramohaj haściej ź likam 3:1, hałoŭny trenier «Dynama» Słavalub Muślin zajaviŭ, što pieršy miač, jaki zabiŭ BATE na 42‑j chvilinie, byŭ «padarunkam sudździ».
Zhodna z novym rehłamientam čempijanatu hałoŭnym trenieram kłubaŭ na paślamatčavych pres‑kanfierencyjach zabaroniena «kamientavać i aceńvać jakaść sudziejstva».
Čakajecca, što hetaja situacyja budzie razhledžana na pasiadžeńni Dyscyplinarnaha kamiteta Biełaruskaj fiederacyi futboła. Na papiarednim pasiadžeńni hałoŭny trenier kłuba «Hranit» (Mikaševičy) Valeryj Bachno byŭ aštrafavany na 10 bazavych vieličyniaŭ (350 tys. rubloŭ) za krytyku jakaści sudziejstva na pres‑kanfierencyi paśla hulni «Hranit» — «Tarpieda» (Žodzina), jakaja taksama zaviaršyłasia ź likam 1:3.
-
Trenier, jaki pryvioŭ kłub da srebra ŭ čempijanacie Biełarusi, budzie treniravać kamandu ź piataha dyvizijona pieršynstva Polščy
-
Forvard minskaha «Dynama» Dyłan Dziube i jašče čatyry chakieisty pryznanyja nievinavatymi pa spravie ab seksualnym hvałcie
-
Hałoŭny trenier «Niomana» vykanaŭ dziŭny taniec paśla pieramohi ŭ matčy Lihi kanfierencyj
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili5
Kamientary