«Ja ledź nie pamior, ale nazaŭsiody zapomniŭ, što takoje «bez». Śpiavak Majkł Souł raskazaŭ, jak vučyŭ biełaruskuju movu na trenažorach
Majkł Souł staŭ pieršym udzielnikam zabaŭlalnaha šou, dzie viadoŭca vypraboŭvaje na tryvałaść jak fizičnuju padrychtoŭku ŭdzielnika, tak i jaho ŭzrovień vałodańnia biełaruskaj movaj. Na čarzie — Jahor Kipa.
Hramadskaja kampanija «Hodna» sumiesna z «Art Siadzibaj» zapuskaje «Mova Challenge». Meta prajekta — ładzić niezvyčajnyja ŭroki biełaruskaj movy dla biełaruskich sielebryci.
Pieršym vučniem staŭ udzielnik maštabnych teleprajektaŭ «X-Faktar», «Liha śmiechu», «Hołas krajini», finalist nacyjanalnaha adboru na Jeŭrabačańnie 2016 hoda — Majkł Souł. A ŭ jakaści navučalnaha kłasa była abrana trenažornaja zała Gym24.
Ideja prajekta prostaja: padčas taho jak udzielnik «Mova Challenge» zajmajecca na trenažory, viadoŭca kaža jamu słova pa-biełarusku, jakoje jon musić pierakłaści na ruskuju movu. I naadvarot — z ruskaj na biełaruskuju. U vypadku, kali čałaviek nie viedaje pierakładu, chutkaść na trenažory paskarajecca.
Padčas čelendžu my daviedalisia, što ŭzrovień anhlijsikaj i ŭkrainskaj movaŭ u Majkła značna vyšejšy za ŭzrovień vałodańnia biełaruskaj. Situacyja nie samaja radasnaja, ale mienavita dziakujučy «Mova Challenge» sam Majkł zrazumieŭ i adčuŭ, što heta varta vypraŭlać. Paśla čaho zrabiŭ vysnovy, što treba bracca za vyvučeńnie biełaruskaj movy. I tak budzie z kožnym!
Takim čynam, mierapryjemstva nosić adukacyjna-spartyŭny charaktar. Ale, pierš za ŭsio, biezumoŭna, zabaŭlalny.
U nastupnym vypusku ŭ jakaści vučnia vystupić Jahor Kipa. Jahor — lidar hurta «Basota», błohier, mieniedžar Bakieja i prosta haradski varjat.
-
«Ja sapraŭdny linhvistyčny hik». 16‑hadovy školnik ź Indyi vyvučaje biełaruskuju movu
-
«Vusy Mulavina» i «Krynž Jeŭfrasińni»: błohier AjCiBarada zrabiŭ Alias pa-biełarusku
-
Biełaruski ličbavy hołas bolš nie budzie rezać słych niapravilnymi naciskami. Niejrasietku narešcie navučyli adroźnivać «mUku» ad «mukI»
Kamientary