Fond baraćby z karupcyjaj Alaksieja Navalnaha vypuściŭ rasśledavańnie, pryśviečanaje kiraŭnicy telekanała «Raša Tudej» i sietki «Sputnikaŭ» Marharycie Simańjan i jaje sužycielu Tyhranu Kieasajanu. Žurnalisty pryjšli da vysnovy, što prapahandysty parazitujuć na rasijskim biudžecie.
Simańjan — mastacki kiraŭnik «Mižnarodnaj piłaramy» na NTV, jakuju viadzie Kieasajan. Za jaje vytvorčaść telekanał płacić studyi «Hołd Vižn» $1,6 miljona ŭ hod — studyja naležyć Kieasajanu. «Aerafłot» za čatyry hady vydatkavaŭ $13,5 miljona na rekłamu ŭ vypuskach «Mižnarodnaj piłaramy».
Usie kantrakty zaklučajucca z ahienctvam «Invienta» — jano naležyć Simańjan. Na kantraktach «Invienta» zarabiła $8,8 miljona — vialikaja častka ź ich idzie na zarpłaty Simańjan i Kieasajana. Jašče $5,3 miljona «Aerafłot» zapłaciŭ «Invienta» za chvalebnyja naviny na inšych telekanałach.
U Kieasajana i Simańjan jość jašče dva rekłamnyja ahienctvy: u adnaho ź ich zakazvali pasłuhi fond «Skołkava» i arhkamitet ČS pa futbole, druhomu płacić MUS — $1,3 miljona ŭ hod za palapšeńnie imidžu.
Ahułam na ŭsich hetych schiemach Simańjan i jaje muž zarabili $9,7 miljona za try hady.
-
Kiraŭnik CRU prylataŭ u Maskvu, kab papiaredzić Rasiju ab niedapuščalnaści ataki na krainy Bałtyi — Politico
-
Pavodka ŭ Niepale i Tybiecie: bolš za 160 zahinułych i 550 źnikłych bieź viestak turystaŭ, siarod ich 53 ukraincy
-
Dva supracoŭniki aeraporta Frankfurta pamierli ad malaryi. Byli i inšyja vypadki zachvorvańnia
Kamientary