Na Hałapahosy viartajecca samiec čarapachi, jaki vyratavaŭ ad vymirańnia svoj vid
Samiec hihanckaj čarapachi pa mianušcy Dyjeha, jaki ličycca vyratavalnikam svajho vidu ad źniknieńnia, viartajecca na Hałapahoskija astravy, piša BBC.
U 1960-ja hady Dyjeha byŭ adnym z 14 samcoŭ, adabranych dla ŭdziełu ŭ prahramie razmnažeńnia hihanckich čarapach na vostravie Santa-Kruz.
Hetaja prahrama akazałasia vielmi paśpiachovaj, pavialičyŭšy kolkaść vidu tam na bolš čym 2 tysiač asobin.
100-hadovy Dyjeha staŭ baćkam kala 800 čarapašak, apładniŭšy na vostravie sotni samak.
Hetaja prahrama zavieršana, i ŭ sakaviku Dyjeha vierniecca na Hałapahos — na svoj rodny vostraŭ Espańjoła.
Jak paviedamiła Nacyjanalnaja słužba zapaviednikaŭ Hałapahoskich astravoŭ, jon znoŭ uvaljecca ŭ papulacyju hihanckich čarapach kolkaściu ŭ 1800 asobin, kala 40% ź jakich źjaŭlajucca jaho naščadkami.
Kiraŭnictva zapaviednika ličyć, što ŭpieršyniu Dyjeha byŭ vyviezieny z Hałapahoskich astravoŭ prykładna 80 hadoŭ tamu navukovaj ekśpiedycyjaj.
Kala 50 hadoŭ tamu na vostravie Espańjoła zastałosia ŭsiaho dva samcy i 12 samak vidu Chelonoidis hoodensis.
Dla vyratavańnia vidu Dyjeha byŭ viernuty na vostraŭ z zaaparka horada San-Dyjeha ŭ Kalifornii.
Zaraz Dyjeha znachodzicca ŭ karancinie pierad uračystym viartańniem na Espańjołu.
Hałapahoskija astravy, jakija lažać u Cichim akijanie za 906 km na zachad ad Ekvadora, uniesieny ŭ śpis Suśvietnaj spadčyny AAN za svaju ŭnikalnuju fłoru i faŭnu.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»5
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary