U kiraŭnika krainy adbyłasia narada z pradstaŭnikami siłavoha błoka. Alaksandram Łukašenkam pryniataje rašeńnie adchilić ad pasady ŭsio kiraŭnictva Apieratyŭna-analityčnaha centra (AAC) da kanca rasśledavańnia hučnych spravaŭ, jakija byli pieradadzienyja lidaru Biełarusi.
«Siońnia ja chacieŭ by pahavaryć i abmierkavać u hetym składzie prablemy asobnych pravaparušeńniaŭ u našaj krainie. U tym liku i na samym vysokim uzroŭni, u tym liku źviazanych z karupcyjnymi prajavami. Ja prosta abiacaŭ u svoj čas, što ŭ takim składzie my sustreniemsia, kab nie było roznaha rodu pahałosak i vydumak. I, jašče raz padkreślivaju, pierš čym prymać rašeńnie, ja hatovy vysłuchać pazicyju, kali treba, kožnaha», — skazaŭ Alaksandr Łukašenka, adkryvajučy naradu.
U suviazi z pretenzijaj da ich pracy z boku kamisii, stvoranaj pa daručeńni Łukašenki, jakaja vyvučała dziejnaść AAC, kiraŭnikom dziaržavy pryniata rašeńnie ab adchileńni ad zajmanych pasadaŭ usich kiraŭnikoŭ Apieratyŭna-analityčnaha centra da zakančeńnia rasśledavańnia faktaŭ, pradstaŭlenych kiraŭniku krainy.
Načalnik Apieratyŭna-analityčnaha centra — Siarhiej Špiahun, jaho namieśniki — Hienadź Białkoŭ i Kanstancin Šulhan.
Siarhiej Špiahun uznačalvaŭ Apieratyŭna-analityčny centr ad kastryčnika 2011 hoda. Heta samy zakryty siłavik u krainie, nidzie niama navat jaho bijahrafičnych źviestak.
Čytajcie taksama: Što viadoma pra adstaŭlenaha Siarhieja Špiehuna — samaha sakretnaha śpiecsłužbista Biełarusi
***
Na telehram-kanał «Našaj Nivy» možna padpisacca tut.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary