Mirski zamak nabyŭ unikalnuju kalekcyju partretaŭ kniazioŭ Radziviłaŭ, paviedamiła śpiecyjalist pa suviaziach z hramadskaściu ŭstanovy «Muziej «Zamkavy kompleks «Mir» Anait Arzumanian.
Pavodle słoŭ śpiecyjalista, zamkavy kompleks «Mir» zaklučyŭ siensacyjnuju ŭhodu pa nabyćci kalekcyi partretaŭ kniazioŭ Radziviłaŭ.
«Ścieny Partretnaj zały Mirskaha zamka ciapier upryhožanyja aryhinalnymi partretami, jakija muziej nabyŭ u kniazia Kanstancina Hahienłoe-Šylinhśfiursta, jaki žyvie ŭ Hiermanii. Upieršyniu hetu kalekcyju biełarusy ŭbačyli ŭ mai 2014 hoda na vystaŭcy. Na praciahu 17 miesiacaŭ dyrektarat muzieja vioŭ pierahavory z ułaśnikam partretaŭ kniaziem Kanstancinam. I voś narešcie Ministerstva kultury Hiermanii dało dazvoł na pieramiaščeńnie historyka-kulturnych kaštoŭnaściej», — raskazała Anait Arzumanian.
Kalekcyja naličvaje 15 partretaŭ XIX stahodździa i try — XVIII stahodździa. Siarod 18 žyvapisnych rabot dva rostavyja partrety, na jakich adlustravanyja kniaź Michaił Kazimir Rybańka i Hanna Ludvika — jaho druhaja žonka. Toje, što partrety majuć niepasrednaje dačynieńnie da ŭładalnikaŭ Mirskaha zamka, pavyšaje kaštoŭnaść hetaj kalekcyi.
U Partretnaj zale pradstaŭlenaja tolki častka kalekcyi — 12 rabot. Astatnija zachoŭvajucca ŭ zapaśnikach muzieja. Niekatoryja partrety majuć patrebu ŭ restaŭracyi. Ciapier supracoŭniki muzieja čakajuć kansultacyj śpiecyjalistaŭ z restaŭracyjnaha centra imia Hudzinasa, jaki znachodzicca ŭ Litvie, i paśla hetaha budzie pryniata prahrama ich restaŭracyi.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary