Redaktar rasijskaha vydańnia «Sputnik i pohrom» zaklikaje źniščyć Biełaruś, Ukrainu, Kazachstan
Hałoŭny redaktar papularnaha ŭ Rasii nacyjanalistyčnaha resursu «Sputnik i pohrom» Jahor Praśvirnin ličyć, što Rasija pavinna zachapić abo źniščyć Ukrainu, Biełaruś i Kazachstan.
Pra heta jon napisaŭ u svaim artykule «Za što my staim, čaho my chočam, što budzie i čaho nie budzie».
«Našaj metaj źjaŭlajecca pabudova ruskaj nacyjanalnaj dziaržavy jak adzinaj formy kalektyŭnaha žyćcia, jakaja spryjaje zachavańniu ruskich u liku narodaŭ Pieršaha śvietu. Častkaj pabudovy ruskaj nacyjanalnaj dziaržavy źjaŭlajecca viartańnie Navarosii, Małarosii, Biełarusii i Paŭdniovaj Sibiry (t.zv. «Paŭnočny Kazachstan»), dzie da hetaha času pražyvajuć dziasiatki miljonaŭ ruskich ludziej», — upeŭnieny Praśvirnin.
«T.zv. «Ukraina», «Biełarusija» i «Kazachstan» (štučnyja dziaržaŭnyja ŭtvareńni, stvoranyja balšavikami) źjaŭlajucca čužymi nacyjanalnymi dziaržavami, jakija realizujuć čužyja nacyjanalnyja prajekty, i rana ci pozna tyja ruskija, što zastalisia ŭ ich, buduć asimilavanyja ŭ čužyja nacyi», — napisaŭ adzin ź ideołahaŭ ruskaha impierskaha nacyjanalizmu.
Hetyja zakliki da zachopu Biełarusi nie zdajucca fantastyčnymi, uličvajučy vajnu va Ukrainie. Niadaŭna adzin z samych viadomych rasijskich palitołahaŭ i palittechnołahaŭ — Hleb Paŭłoŭski, jaki šmat hadoŭ prapracavaŭ na kramloŭskich prajektach, pradkazaŭ Biełarusi los Ukrainy, a Łukašenku — toje, što jaho zrynie Kreml.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu53
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary