«Proźviščy paŭstancaŭ nosiać i našy sučaśniki, jakija zabylisia na svaich prodkaŭ»
Hrodzienskija mastaki rychtujuć vystavu da hadaviny paŭstańnia Kalinoŭskaha.
Jana maje adčynicca 22 studzienia ŭ mastackaj halerei «Kryha» (Savieckaja, 3-11). 11 śniežnia ŭ halerei prajšła narada, padčas jakoj historyki Aleś Kraŭcevič i Aleś Smalančuk kansultavali i natchniali mastakoŭ. Pradstaŭniki tvorčaha asiarodku (siarod ich — Stanisłaŭ Kičko, Siarhiej Hrynievič, Andrej Filipovič, Valancina Šoba) płanujuć vyjezdy pa miescach Paŭstańnia, mažliva ŭ formie pleneru.
Mastak i krajaznaviec Vitaŭt Ivanoŭski, pradzied jakoha ŭdzielničaŭ u bitvie pad Miłavidami, nahadaŭ, što ŭ Polščy jašče ŭ 1933 h. byŭ stvorany Kamitet uviekaviečańnia pamiaci paŭstancaŭpad kiraŭnictvam hienierała Rydz-Śmihłaha.
«Kali my hladzim proźviščy ŭdzielnikaŭ paŭstańnia, to bačym, što ich nosiać i našy sučaśniki, jakija zabylisia na svaich prodkaŭ» — dadaŭ mastak.
Historyk Aleś Kraŭcevič źviarnŭ uvahu na cisk datyčny asoby Kalinoŭskaha z boku ŭłady:
«Siońnia idzie sproba zburyć adziny nacyjanalny mif, jaki nam zastaŭsia z savieckaha času. Pastavić hetamu zasłonu — naš hramadski abaviazak».
Aziory, Śviatoje Bałota, Parečča, Kadyš… — tolki niekatoryja miaściny, źviazanyja z Paŭstańniem u vakolicach Hrodna. Sam Kastuś Kalinoŭski ciaham Paŭstańnia peŭny čas zajmaŭ pasadu kamisara pa Hrodzienščynie, a taksama chavaŭsia ŭ siabroŭ Hrodzienskaj Revalucyjnaj Arhanizacyi napiaredadni i padčas padziejaŭ 1863-64 h.
Nahadajem, što na nastupny hod prypadaje 150-ja hadavina Paŭstańnia, jakaja budzie šyroka adznačacca na dziaržaŭnym uzroŭni ŭ Polščy dy Litvie, u Biełarusi ž ušanavańni ŭ 2013 h. chutčej projuć ź inicyjatyvy hramadskaści.
-
Na Tydzień biełaruskaj kultury Muziej Łuckieviča pieratvorycca ŭ muziej Popki
-
Siadzibu Hrabnickich pad Ušačami kuplali ŭžo dvojčy — i voś jana znoŭ na aŭkcyjonie za adnu bazavuju
-
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary