Na bazie najnoŭšych jadziernych rakiet u Rasii prahrymieŭ mocny vybuch

Na bazie stratehičnych rakietnych vojskaŭ Rasii u Jasnym Arenburhskaj vobłaści, dzie znachodziacca najnoŭšyja rakietnyja kompleksy «Avanhard», adbyŭsia mocny vybuch. Miascovyja žychary raskazali, što ŭ nieba ŭźniałosia vializnaje vobłaka fijaletavaha dymu, piša The Moscow Times.

Fota: t.me/ural56ru

Pa słovach śviedak, pryčynaj mahła stać avaryja padčas zapusku rakiety, jakaja nibyta razvaliłasia ŭ pavietry. Aficyjnych tłumačeńniaŭ pakul niama.

Miascovyja słužby paviedamili, što evakuacyja nie patrebna i niebiaśpieki dla ludziej niama — uzrovień škodnych rečyvaŭ nibyta ŭ miežach normy. Ułady Arenburhskaj vobłaści heta paćviardžajuć.

Kosmadrom «Jasny» — adzin z 11 abjektaŭ u Rasii, adkul zapuskajuć rakiety vialikaj dalokaści, u tym liku i ź jadziernymi bojehałoŭkami. Z 2023 hoda tut pravodziać pieraŭzbrajeńnie na novy šachtny kompleks «Avanhard», jakim raniej hanaryŭsia Pucin, zajaŭlajučy, što jon «abnulaje» amierykanskuju supraćrakietnuju abaronu.

Incydent adbyŭsia na fonie prablem u adpraŭleńni «Sajuza MS-28» z kasmadroma Bajkanur 27 listapada, dzie padčas zapusku abvaliłasia absłuhovaja kabina. Ekśpierty dapuskajuć, što z-za hetaha starty kaśmičnych karabloŭ «Sajuz» i «Prahres» mohuć być prypynienyja. Adnak u Raskosmasie śćviardžajuć, što paškodžańni chutka likvidujuć.

Kamientary da artykuła