Volha Karpušonak dajšła ŭ svaich skarhach da Parłamienckaj asamblei Rady Jeŭropy

Delehatka Kaardynacyjnaj rady Volha Karpušonak 3 vieraśnia adpraviła skarhu prezidentu Parłamienckaj asamblei Rady Jeŭropy (PARIE) Teadorasu Rusapułusu. U joj jana znoŭ abvinavaciła kiraŭnika Narodnaha antykryzisnaha ŭpraŭleńnia Paŭła Łatušku ŭ seksualnych damahalnictvach.

Volha Karpušonak. Fota z sacsietak

U liście Karpušonak taksama zhadała inšych supracoŭnic NAU, jakija nibyta padtrymlivajuć z Łatuškam intymnyja adnosiny. Taksama jana zajaviła, što pakinuła ES z-za bojazi za svajo žyćcio i ŭ hety momant znachodzicca ŭ Brazilii.

List aformleny na błanku Kaardynacyjnaj rady.

Pavieł Łatuška ŭ svaim telehram-kanale zajaviŭ, što dziejańni Volhi Karpušonak, u tym liku i hety jaje zvarot, nakiravanyja na dyskredytacyju i likvidacyju Kaardynacyjnaj rady. Jon padkreśliŭ, što heta adbyvajecca pa zadańni śpiecsłužbaŭ Łukašenki i moža pazbavić biełaruskuju delehacyju statusu ŭ PARIE i inšych jeŭrapiejskich strukturach. U suviazi z hetym jon zaklikaŭ Śviatłanu Cichanoŭskuju, śpikiera Kaardynacyjnaj rady i pradstaŭnikoŭ jaje delehacyj u jeŭrapiejskich parłamienckich strukturach zaniać publičnuju pazicyju ŭ padtrymku Kaardynacyjnaha rady i ahulnaj baraćby za pieramieny ŭ Biełarusi.

Usio pačałosia z taho, što 30 žniŭnia ŭ svaim błohu ŭ fejsbuku Volha Karpušonak abvinavaciła Łatušku ŭ nibyta damahańniach.

Jon u adkaz rašuča adkinuŭ usie abvinavačvańni, zajaviŭšy, što hatovy prajści palihraf, i nazvaŭ heta vystupleńnie vynikam dziejańniaŭ śpiecsłužbaŭ biełaruskaha režymu suprać biełaruskaha demakratyčnaha ruchu.

Kamientary da artykuła