Rodnyja źnikłaha Kotava nie atrymali adkazu ad uładaŭ Turcyi

Žonka Kotava paviedamiła Radyjo Svaboda, što nie atrymała nijakich adkazaŭ ad tureckich orhanaŭ, jakija zajmajucca pošukami. Pra muža jana ciapier nie maje nijakich navinaŭ — «ni dobrych, ni drennych».

Fota: Radyjo Svaboda

Były biełaruski čynoŭnik, a paźniej apazicyjanier, aktyvist Biełaruskaha fondu spartyŭnaj salidarnaści Anatol Kotaŭ prybyŭ u aeraport Stambuła z Varšavy a 13:49 21 žniŭnia i ŭ toj ža dzień vylecieŭ u turecki horad Trabzon, dzie pakinuŭ krainu praz marski pamiežny pierachod u porcie a 18:35, paviedamiła tureckaje infarmahienctva IHA.

Na praciahu dnia jon byŭ na suviazi z rodnymi i kalehami, ale paśla 21:30 pa polskim časie (22:30 pa tureckim) pierastaŭ vychodzić na suviaź.

Raniej, pavodle krynicy DW u tureckaj palicyi, stała viadoma, što Anatol Kotaŭ 21 žniŭnia pakinuŭ port Trabzona na pryvatnaj jachcie i nakiravaŭsia ŭ rasijski Sočy. Heta adbyłosia ŭ toj samy dzień, kali jon prylacieŭ u Turcyju z Polščy.

Kamientary da artykuła