Сістэма фота- і відэафіксацыі парушэнняў, усталяваная на трасе М1, неўзабаве ўсё ж такі запрацуе.
Паводле інфармацыі Onliner.by, першыя «лісты шчасця» (як яшчэ называюць пастановы пра зафіксаваныя камерамі парушэнні хуткасных рэжымаў) прыйдуць аўтамабілістам найбліжэйшым часам. Славуты ўказ № 454 запрацуе ў поўную сілу.
Камеры хуткасці павінныя былі запрацаваць яшчэ 19 траўня. Аднак адкрыта пра гэта нідзе не абвяшчалася.«Ужо гатовыя першыя пастановы аб парушэннях. Неўзабаве яны будуць адпраўленыя», — сказалі ў ДАІ.
Актыўна пра сістэму фота- і відэафіксацыі парушэнняў казалі ў канцы 2010 года. Быў падпісаны ўказ № 454, які прадугледжвае, што ў першую чаргу прэтэнзіі будуць выстаяўляцца ўласніку аўтамабіля.
«Якасць разрознення камер даволі высокая, таму будзе добра распазнавацца не толькі нумарны знак і марка аўтамабіля, але і твар кіроўцы.Пасля таго як здымак будзе апрацаваны і супрацоўнікі ДАІ вызначаць уладальніка аўтамабіля, яму будзе накіраваная раздрукоўка выявы з указаннем часу, месца фіксацыі і самога транспартнага сродку. Калі выявіцца, што ў момант парушэння правілаў дарожнага руху ўладальнік з нейкіх прычынаў не распараджаўся транспартным сродкам альбо аўтамабіля ў яго проста не было з прычыны злачыннага дзеяння (напрыклад, выкрадання), законны ўладальнік павінен напісаць заяву пра тое, што ў момант правапарушэння аўтамабілем кіраваў не ён. Працэс у дачыненні да яго будзе спынены аўтаматычна і пачнецца ў дачыненні да таго, хто сапраўды кіраваў транспартным сродкам», — сказалі тады ва УДАІ МУС.
У лістападзе 2010 года прадстаўнікі УДАІ МУС нават заявілі, што дасланыя першыя некалькі сотняў пастановаў парушальнікам хуткаснага рэжыму. Невядома, чым гэта ўсё скончылася, але затым размовы пра камеры хуткасці пацішэлі. Цяпер, мабыць, будуць прынятыя канкрэтныя меры па рэалізацыі ўказа № 454.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары