Колькасць парковак у дварах Мінcка неабходна павялічыць у 2-3 разы
Колькасць парковачных месцаў на ўнутрыдваровых тэрыторыях Мінска неабходна павялічыць удва-тры разы. Пра гэта заявіў намеснік міністражыллёва-камунальнай гаспадаркі Анатоль Шагун.
Паводле яго слоў, праблему неабходна вырашаць двума спосабамі: ствараць у месцах забудоў шматузроўневыя паркінгі і пашыраць парковачныя месцы ўздоўж дарог і вуліц.
У той жа час Шагун адзначыў: «У прынцыпе, такой складанай сітуацыі з паркоўкай у Мінску, як, напрыклад, у Маскве, няма».
За 2011 год на ўнутрыдваровых тэрыторыях Мінска для паркоўкі аўтатранспарту жыхароў абсталявана 7.272 машынамесцы, у тым ліку 1.063 — з прыцягненнем сродкаў жыхароў, 2.183 — за сродкі арандатараў і прадпрыемстваў.
У 2012 годзе на ўнутрыдваровых тэрыторыях плануецца абсталяваць больш за 7.500 месцаў для часовага размяшчэння аўтатранспарту жыхароў, у тым ліку 2.395 — з прыцягненнем сродкаў жыхароў, 1.433 — за сродкі арандатараў і прадпрыемстваў.
Усяго ў Мінску прыкладна 600 тысяч машын належаць грамадзянам, яшчэ 200 тысяч — розным прадпрыемствам і арганізацыям.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары