«Вынікі конкурса, у разрэзе кожнага раёна, будуць адсочвацца ўпраўленнем адукацыі».
Следам за Віцебскай вобласцю і магілёўцы апублікавалі ў Фэйсбуку сведчанні пра адмінрэсурс, задзейнічаны на карысць пераможцы «Еўрафэста» Алены Ланской.Прычым перамогу Ланской магло забяспечыць і журы — хто б сумняваўся. А ўся гэтая
мабілізацыя была трэба толькі, каб стварыць уражанне «элегантнай перамогі».
Цікава, што вертыкаль ішла на адкрыты блеф.
Ніякім чынам «вынікі конкурса, у разрэзе кожнага раёна», ніякае ўпраўленне адукацыі адсачыць не магло.Няма такой тэхнічнай магчымасці.
Гэта як былыя партсакратары: якую б партыю ні будавалі, усё адно выходзіла КПСС.
Так і ідэолагі: чым ні займаюцца, усюды выходзіць «усенародная падтрымка».
Звычайна такая маштабная кампанія ідэалагічнай вертыкаллю праводзіцца толькі тады, калі на тое ёсць воля з цэнтра. Гавораць, выступ Ланской на «Славянскім базары» спадабаўся асабіста Аляксандру Лукашэнку. Маладой спявачцы прысвоілі высокае званне «Заслужанай артысткі Рэспублікі Беларусь».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары