Паводле асобасных характарыстык беларускія бізнэсоўцы з’яўляюцца сем’янінамі, не імкнуцца да ўлады і не думаюць пра тое, каб стаць уплывовымі.
Паводле даследавання сацыялагічнага цэнтра
Падчас апытання беларускім бізнэсоўцам было прапанавана адказаць на пытанне «Да чаго вы імкняцеся ў сваім жыцці ў першую чаргу?».Прычым, абраць можна было толькі тры адказы, каб пазначыць тры асноўныя перавагі прадстаўнікоў беларускага бізнэсу.
З усіх пазначаных жыццёвых мэтаў на першае месца бізнэсоўцы паставілі «Мець добрую сям’ю» — 61% пераваг.Другое месца заняў адказ «Выхаваць добрых дзяцей» (36% апытаных), што таксама можна аднесці да сямейных перавагаў. І толькі на трэцяе месца быў пастаўлены адказ, які датычыць непасрэдна самога бізнэсу, — «Мець свой бізнэс» (33%). Пры гэтым толькі 23% апытаных звязалі свае жыццёвыя інтарэсы непасрэдна з багаццем («Стаць багатым»), а ўсе астатнія выбіралі сацыяльна арыентаваныя мэты.
Так, 20% бізнэсоўцаў пазначылі сярод сваіх жыццёвых мэтаў «Жыць сумленна, у згодзе з самім сабой», 18% выбралі «Кахаць і быць каханым», і столькі ж выбралі «Быць карысным грамадству і людзям».
На думку сацыёлагаў, праведзенае апытанне паказвае, што беларускі бізнэс зусім не драпежны і яго не варта баяцца.Наадварот, калі яго актыўна задзейнічаць у грамадскіх працэсах, у тым ліку ў палітыцы, ён можа прынесці шмат карысці краіне.
Напрыклад, з усіх апытаных толькі 9% пазначылі сярод жыццёвых мэтаў атрыманне ўлады («Трапіць у кола ўплывовых людзей, дамагчыся ўлады»), а на апошняе месца бізнэсоўцы паставілі адказ «Дамагчыся грамадскага прызнання, вядомасці».
Большасць з апытаных бізнэсоўцаў працуе ў сферы паслуг (35%), рознічным гандлі (34%), оптавым гандлі (12%) і будаўніцтве (11%). Пры гэтым абсалютная большасць з іх займаецца сваім бізнэсам ужо больш за 5 гадоў, гэта значыць паспелі адчуць цяжар беларускага бізнэсу, ацаніць яго перспектывы і ведаюць знутры беларускую рэчаіснасць.
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары