Беларускі футбаліст Касмынін: Хачу патрапіць у спіс гульцоў нацыянальнай каманды Таджыкістана
Беларускі абаронца бекабадскага «Металурга» Уладзіслаў Касмынін расказаў пра жаданне выступаць за нацыянальную зборную Таджыкістана, піша «Трыбуна».
«Хачу патрапіць у спіс гульцоў нацыянальнай каманды, ну а далей згуляць і дапамагчы зборнай Таджыкістана на міжнароднай арэне. Магу сказаць чыста субʼектыўна: у каманды ёсць нядрэнная серыя матчаў, у калектыве добрая атмасфера, ён дае вынік і яго праца радуе», — сказаў Касмынін.
Паводле крыніц выдання, беларус спадабаўся галоўнаму трэнеру зборнай Таджыкістана харвату Пятру Сегрту.
У 2022 годзе Таджыкістан упершыню ў гісторыі змог выйсці ў фінальную частку Кубка Азіі, якая пройдзе зімой 2024-га ў Катары.
У Беларусі Касмынін выступаў за «Нафтан», «Полацк», «Хвалю», «Граніт», «Віцебск» і «Нёман». З 2017 года футбаліст выступаў у чэмпіянатах Узбекістана, Казахстана і Таджыкістана.
У мінулым годзе GOALTJ паведамляў, што Касмынін знаходзіцца ў працэсе атрымання грамадзянства Таджыкістана.
Каментары