Гімназія № 6 у Гродне цяпер будзе насіць імя Фелікса Дзяржынскага. Пра гэта 12 лютага расказаў дзяржаўны тэлеканал «Гродно Плюс». Каля ўваходу ў гімназію паставілі і бюст галоўнага арганізатара «чырвонага тэрору».
Паводле дырэктаркі гімназіі Таццяны Махнач, ідэя даць такое імя ўстанове з’явілася яшчэ ў 1983 годзе, а пасля цягам больш як 30 гадоў вялася «даследчая праца».
Выглядае, што падобных выпадкаў трэба чакаць і надалей, бо тэлеканал кажа, што гэтым самым займаюцца і іншыя адукацыйныя ўстановы: «канцэпцыяй нэймінгу і стварэннем уласнага адрознага брэнду школы, гімназіі і ліцэі займаліся цягам чатырох месяцаў».
Дзяржынскі, ураджэнец цяперашняга Валожынскага раёна, вядомы як расійскі рэвалюцыянер і савецкі дзяржаўны дзеяч, заснавальнік ЧК. Ён адзін з распрацоўшчыкаў і кіраўнікоў крывавага чырвонага тэрору, разгорнутага падчас грамадзянскай вайны ў Расіі. Колькасць яго ахвяраў ацэньваюць у 1,2-2 млн чалавек.
Каментары