Сёння яшчэ адна ініцыятыва прызнаная «экстрэмісцкім фарміраваннем»
Сёння днём Міністэрства ўнутраных спраў апублікавала інфармацыю, што сайт з картай дваровых чатаў дзе.чат прызнаны «экстрэмісцкім фарміраваннем». Гэта быў першы падобны выпадак.
Пад вечар на сайце ведамства з'явіўся дакумент «Пералік арганізацый, фарміраванняў, індывідуальных прадпрымальнікаў, якія маюць дачыненне да экстрэмісцкай дзейнасці». У ім ужо дзве арганізацыі: «Дзе.чат» і «Рабочы рух/Пашыраны круглы стол».
Яшчэ ўчора прадстаўнік ГУБАЗіК Вячаслаў Арлоўскі ў эфіры СТБ заявіў, што найбліжэйшым часам у Беларусі некалькі тэлеграм-каналаў і чатаў, прызнаных экстрэмісцкімі, будуць прызнаныя экстрэмісцкімі фарміраваннямі, а сёння ўжо дзве арганізацыі ў іх ліку.
«Тэлеграм-канал можа прызнавацца як экстрэмісцкім матэрыялам, так і экстрэмісцкім фарміраваннем, — тлумачыў Арлоўскі. — Калі ў яго статус экстрэмісцкага фарміравання, то яго падпісанты сапраўды могуць стаць фігурантамі крымінальных спраў. Што тычыцца падпіскі на каналы, якія прызнаюцца экстрэмісцкімі матэрыяламі, то яна пакуль не караецца».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары