Студэнты правялі сядзячыя пратэсты. Лукашэнкаўцы адказалі «рамонтам ганкаў» і затрыманнямі
30 верасня беларускія студэнты зладзілі сядзячую забастоўку. Яны выходзілі на ганкі сваіх універсітэтаў і проста сядзелі там.
Акцыя пратэсту студэнтаў-праграмістаў у Беларускім дзяржаўным універсітэце інфарматыкі і радыёэлектронікі выглядала так:
Паводле тэлеграм-канала studenty2020, у Мінску ў акцыі прынялі ўдзел навучэнцы дзясятка ўніверсітэтаў — БДУ, БНТУ, Педуніверсітэта, Медыцынскага, Тэхналагічнага, Эканамічнага, Лінгвістычнага, Універсітэта культуры і мастацтваў, Універсітэта фізічнай культуры, Аграрнага тэхнічнага ўніверсітэта. У Віцебску — студэнты Тэхналагічнага, у Гомелі — дзяржаўнага і дзяржаўнага тэхнічнага ўніверсітэтаў.
Сядзячыя студэнцкія пратэсты прайшлі ў тым ліку і ў тых ВНУ, дзе раней не пратэставалі.
Лукашэнкаўцы адказалі паўсюдным «рамонтам ганкаў», затрыманнямі і пагрозамі.
На відэа трапіла, як прарэктары БНТУ Вяршына і Нікалайчык пагражаюць студэнткам выклікам АМАПа і пракуратуры.
Хоць геаграфія пратэсту пашырылася, студэнцкія акцыі не былі шматлікімі. Яны сабралі ад дзясятка да некалькіх соцень удзельнікаў.
Даволі масавым быў пратэст у БДУІР, дзе нядаўна арыштавалі двух студэнтаў, прычым аднаго — на 23 сутак. «Я, мы — Дзіма Мазура!» — скандавалі там студэнты.
Інфармацыя пра адзінкавыя затрыманні паступіла ў «Нашу Ніву» з Беларускага дзяржаўнага аграрнага тэхнічнага ўніверсітэта і Гродзенскага дзяржаўнага ўніверсітэта.
Масавы рамонт ганкаў распачаўся 30 верасня ў многіх універсітэтах краіны.
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
-
«Лукашэнка назваў нас дэзерцірамі». Гісторыя беларускі, якая ў 1970‑я ўцякла з беларускага калгаса ў Літоўскую ССР
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца5
Каментары