Кінатэатр «Масква» ў Мінску адкрылі ў верасні 1980-га, ён стаў першым шырокафарматным кінатэатрам у рэспубліцы. Стварылі яго па індывідуальным праекце беларускіх архітэктараў В. Крамарэнка, В. Шчарбіна, М. Вінаградава.
За амаль 40 гадоў эксплуатацыі будынка ўзнікла неабходнасць яго капітальнага рамонту і рэканструкцыі. Як прагучала на архітэктурнай радзе, прапануецца за кошт унутранай перапланіроўкі зрабіць кінатэатр шматзальным. У вялікім будзе 700 месцаў, пад ім размесціцца Тэатр-студыя кінаакцёра, у левым і правым крыле будынка на першым і другім паверхах дададуцца яшчэ па два невялікія памяшканні для дэманстрацыі фільмаў, перадаюць «Мінск-навіны».
Унутраныя змены пацягнуць за сабой змены ў абліччы галоўнага фасада «Масквы». Архітэктары прапанавалі трохі яго пашырыць і зрабіць з празрыстага шкла, дапоўніўшы канструкцыямі з металу. Уваход — асіметрычны.Такім чынам падзеляць плыні гледачоў і месца сустрэч артыстаў і гасцей фестывалю «Лістапад» і іншых мерапрыемстваў, якія тут праводзяцца.
— Гэта дазволіць звонку стварыць пешаходную плошчу з месцамі для адпачынку, добраўпарадкаваннем. Яшчэ мы прапануем размясціць тут скульптурную кампазіцыю на кінематаграфічную тэму, — дзеліцца аўтар праекту абнаўлення В. Крамарэнка.
Члены архітэктурнай рады падтрымалі ідэю перабудовы будынка. Адны сказалі, што «гэта элегантнае нечаканае рашэнне», іншыя ж адзначылі, што «губляецца ранейшая архітэктура, аднак новы маштаб адпавядае сучаснаму погляду на гэту прастору».
— Шкада, вядома, што будынак зменіцца. Ён мог бы прэтэндаваць на статус помніка архітэктуры савецкага перыяду, — заўважае В. Крамарэнка.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары