8 лістапада супрацоўнікі ДАІ кантралявалі хуткасны рэжым на вуліцы Савецкай у Гомелі. У міліцэйскі эфір была перададзена інфармацыя, што па адной з вуліц Чыгуначнага раёна рухаецца «Сітраен», за стырном якога кіроўца ў стане алкагольнага ап'янення, паведамляе тэлеграм-канал МУС.
Інспектары ДПС заўважылі аўто і падалі сігнал спыніцца. Кіроўца патрабаванне праігнараваў, але далёка не з'ехаў: на бліжэйшым святлафоры рух быў заблакаваны аўтамабілямі, якія спыніліся.
«Сітраенам» кіраваў гамяльчук 1988 года нараджэння. Падчас праверкі на алкатэстары ў парах выдыханага ім паветра зафіксавана 3 праміле алкаголю.
Кіроўцу, які, дарэчы, ніколі не атрымліваў пасведчанне кіроўцы, пагражае да 100 базавых велічынь штрафу.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары