Еўрапейская камісія аштрафавала плацежную сістэму Mastercard на 570 мільёнаў еўра за парушэнне антыманапольных правілаў ЕС, піша «Еўрапейская праўда».
«Еўрапейская Камісія аштрафавала Mastercard на 570 566 000 еўра за абмежаванні магчымасцяў для гандляроў скарыстацца лепшымі ўмовамі, прапанаванымі банкамі ў іншых месцах адзінага рынку, у парушэнне антыманапольных правілаў ЕС», — гаворыцца ў паведамленні.
Еўракамісія ў 2013 годзе адкрыла расследаванне, якое паказала, што з-за міжнародных правілаў эквайрынгу Mastercard рознічныя прадаўцы плацілі больш за банкаўскія паслугі, каб атрымліваць плацяжы па картках, чым калі б яны былі вольныя ў пошуках іншых падобных паслуг. Гэта прывяло да росту цэн для рознічных прадаўцоў і спажыўцоў, абмежавання трансгранічнай канкурэнцыі і да штучнай сегментацыі адзінага рынку.
Mastercard з'яўляецца другой па велічыні аплатнай сістэмай у Еўрапейскай эканамічнай зоне (EEA) з пункту гледжання выдачы спажывецкіх карт і кошту аперацый.
«Правілы Mastercard штучна падвышалі выдаткі на картачныя плацяжы ў шкоду спажыўцам і рознічных гандлярам у ЕС», — заявіла еўракамісар па пытаннях канкурэнцыі Маргрэтэ Вестагер.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары