Учора прайшла цырымонія закрыцця футбольнага сезону — «Зорны мяч — 2018». На ёй названы найлепшы футбаліст Беларусі 2018 года, ім стаў капітан БАТЭ Ігар Стасевіч.
Атрымаўшы прыз, Ігар Стасевіч падзякаваў людзям, якія зрабілі вялікі ўплыў на яго футбольную кар'еру. Сярод іх найважнейшыя ролі згулялі шматгадовы кіраўнік БАТЭ Анатоль Капскі і былы настаўнік мінскага «Дынама» Уладзімір Журавель, што пайшлі з жыцця гэтай восенню, піша Tut.by
Вынікі галасавання сярод вядомых спецыялістаў і журналістаў традыцыйна праводзіў «Прессбол». У галасаванні прыняў удзел 441 чалавек, у тым ліку журналісты «Нашай Нівы».
1. Ігар Стасевіч набраў 795 балаў
2. Станіслаў Драгун (БАТЭ) — 768
3. Аляксандр Мартыновіч («Краснадар») — 412
4. Павел Савіцкі («Дынама-Брэст») — 164
5. Іван Маеўскі («Астана») — 102.
Стасевіч быў найлепшым гульцом краіны ў 2015 годзе
Найлепшым беларускім трэнерам названы Віктар Ганчарэнка, які ўзначальвае ЦСКА. Ён названы найлепшым трэнерам трэці раз запар і восьмы раз з 2008 года.
Каментары