У анексаваным Крыме разам з сімферопальскімі пікетоўцамі затрымалі таксама праваабаронцу Лілю Гемеджы.
Пра гэта паведамляюць Крим.Реалии.
«Мне патэлефанаваў знаёмы, якога спрабавалі затрымаць і адвезці ў РАУС. Я паехала да яго. Яго удалося «адбіць», і ён паехаў. Тут мяне ўбачыў дзядуля, які папрасіў мяне прадстаўляць яго інтарэсы. Яго адпусцілі супрацоўнікі паліцыі. У выніку на дзядулю быў складзены пратакол дастаўкі. Я паехала з ім у Цэнтральны РАУС, аказалася, што я затрыманая разам з ім», — паведаміла Гемеджы.
Як адзначыла праваабаронца, расейскія сілавікі спрабуюць знайсці «задуму» ў дзеяннях удзельнікаў пікета. «Пакуль сядзім, чакаем. Прыехаў адвакат Джэміль Цемішаў, які будзе прадстаўляць інтарэсы ўсіх затрыманых. Пакуль сілавікі цікавяцца такімі пытаннямі: што быў за пікет, якія былі патрабаванні і з чым звазаныя незадавальненні», — сказала яна.
Раніцай 14 жніўня ў Сімферопалі сілавікі затрымалі па меншай меры пяць чалавек, якія выйшлі на адзіночныя пікеты ў падтрымку арыштаванага раней крымскататарскага актывіста Сервера Караметава.
Адзіночны пікет — адзіная дазволеная ў Расіі форма пратэсту, якая не патрабуе папярэдняга ўзгаднення з уладамі. Масква спрабуе садзіць гэтую норму і ў акупаваным ўкраінскім Крыме, які лічыць «часткай Расіі». Нягледзячы на гэта, 76-гадовы актывіст Сервер Караметаў на мінулым тыдні быў затрыманы менавіта падчас правядзення адзіночнага пікету.
Падкантрольны Крамлю Вярхоўны суд анексаванага Крыма 11 жніўня адхіліў апеляцыю абароны на адміністрацыйны арышт крымскататарскага актывіста Сервера Караметава і пакінуў яго пад вартай да 19 жніўня.
Міжнародная праваабарончая арганізацыя Amnesty International заклікала расійскія ўлады неадкладна вызваліць Караметава.
Сервер Караметаў праводзіў адзіночны пікет пад будынкам падкантрольнага Крамлю Вярхоўнага суда Крыма, дзе слухалася справа намесніка старшыні Меджліса крымскататарского народа Ахтэма Чыйгоза, за ўдзел у мітынгу ў падтрымку тэрытарыяльнай цэласнасці Украіны перад будынкам Вярхоўнага Савета Крыма 26 лютага 2014.
Сервера Караметава затрымліваюць у анексаваным Крыме ўжо не ўпершыню. У Дзень памяці ахвяраў генацыду крымскіх татараў 18 траўня яго затрымалі расійскія сілавікі пасля таго, як ён прыйшоў на плошчу ў Сімферопалі з крымскататарскім сцягам і партрэтамі сваіх бацькоў, якія сталі ахвярамі дэпартацыі 1944 года. А трэцяй гадзіне ночы яго адпусцілі пасля складання адміністрацыйнага пратакола.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары