Ад 1 студзеня 2017 года Казахстан увёў бязвізавы рэжым для грамадзян краін Арганізацыі эканамічнага супрацоўніцтва і развіцця (АЭСР), а таксама ААЭ, Малайзіі, Манака і Сінгапура.
У маі 2015 года прэзідэнт Казахстана Нурсултан Назарбаеў падпісаў указ, які рэгламентуе пытанні стварэння міжнароднага фінансавага цэнтра «Астана», адным з пунктаў якога з'яўляецца ўвядзенне бязвізавага рэжыму тэрмінам да 30 дзён для грамадзян краін — сябраў АЭСР і шэрагу іншых развітых дзяржаў.
У сталіцы Казахстана на базе інфраструктуры Astana EXPO 2017 будзе створаны міжнародны фінансавы цэнтр «Астана» (AIFC), які плануецца зрабіць фінансавым хабам для краін СНД, а таксама ўсяго рэгіёну Заходняй і Цэнтральнай Азіі.
Цяпер у АЭСР уваходзяць Аўстралія, Аўстрыя, Бельгія, Вялікабрытанія, Канада, Чэхія, Данія, Фінляндыя, Францыя, Германія, Грэцыя, Венгрыя, Ісландыя, Ірландыя, Італія, Ізраіль, Карэя, Люксембург, Мексіка, Нідэрланды, Новая Зеландыя, Нарвегія, Польшча, Славакія, Славенія, Партугалія, Іспанія, Швецыя, Швейцарыя, Турцыя, ЗША, Чылі, Эстонія, Японія.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары