Трагедыя адбылася 17 кастрычніка каля 22 гадзін у вёсцы Шарпілаўка Гомельскага раёна. Хлопец пракраўся ў двор дома, дзе жыла настаўніца, дачакаў момант, калі 43-гадовая жанчына выйшла з хаты, і нанёс ёй удары нажом.
Ад атрыманых цялесных пашкоджанняў пацярпелая памерла на месцы здарэння, паведаміла афіцыйны прадстаўнік УСК па Гомельскай вобласці Марыя Крываногава.
Цела загінулай выявілі толькі на наступную раніцу. Неўзабаве быў названы падазраваны ў забойстве. Ім аказаўся 17-гадовы жыхар гэтай жа вёскі. Вядома, што хлопец нідзе не вучыцца і не працуе. У момант здзяйснення злачынства знаходзіўся ў стане алкагольнага ап'янення. У дачыненні да яго распачата крымінальная справа па артыкуле «Забойства, учыненае з асаблівай жорсткасцю».
Зараз следчыя высвятляюць абставіны здарэння. Па асноўнай версіі, сваё злачынства падазраваны здзейсніў з карыслівых меркаванняў.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары