У Іўеўскім раёне старшыня аднаго з мясцовых калгасаў ужыў гвалт да свайго намесніка, паведамляе прэс-служба УУС Гродзенскага аблвыканкама.
Рознагалоссі ў кіруючым складзе сельгасарганізацыі ўзніклі ў час планёркі на глебе розных падыходаў у вырашэнні надзённых пытанняў. Адстойваючы сваё бачанне, на правах начальства кіраўнік СВК у жорсткай форме запатрабаваў ад падначаленага пакінуць залу пасяджэнняў, а калі той адмовіўся, спаслаўшыся на адсутнасць адзінай пазіцыі, не пагрэбаваў моцным слоўцам. Праз нейкі час, з-за таго, што вербальна мэты дасягнуць не ўдалося, старшыня падышоў да свайго намесніка і скінуў яго з крэсла.
У выніку ў пацярпелага было вывіхнутае плячо, і яму прыйшлося звярнуцца ў медустанову. Адтуль паведамленне аб крымінальным характары атрыманай траўмы паступіла ў мясцовы орган унутраных спраў.
Крымінальная справа распачатая па ч.3 арт.426 КК РБ «Перавышэнне ўлады або службовых паўнамоцтваў».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары