Згодна з указам №352 «Аб павышэнні пенсій» пераразлік працоўных пенсій праводзіцца з 1 верасня шляхам карэкціроўкі фактычнага заработку пенсіянераў, зыходзячы з сярэдняга заробку работнікаў, прымененай пры папярэднім пераразліку пенсій, з павышэннем яе велічыні на 5,5%.
Папярэдні пераразлік працоўных пенсій быў у лістападзе 2014 года (зыходзячы з сярэдняй заработнай платы Br5 млн 625,3 тыс.). Паказчык гэтай сярэдняй заработнай платы, праіндэксаванай на 5,5%, складае Br5 млн 934,7 тыс. Зыходзячы з гэтай велічыні і будзе праведзены пераразлік працоўных пенсій з 1 верасня гэтага года.
У выніку пераразліку працоўныя пенсіі з верасня, паводле ацэнкі, павялічацца ў сярэднім на 5 працэнтаў. Сярэдняя пенсія дасягне Br2 млн 799,9 тыс. Пры гэтым памер павелічэння пенсіі ў кожнага пенсіянера будзе залежаць ад індывідуальных параметраў яго стажу работы і велічыні заработку да звароту па пенсію, падкрэслілі ў міністэрстве.
Дадатковыя расходы на выплату пенсій з верасня перавысяць Br346 млрд у месяц.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца2
Каментары