Чатырох жыхароў Мінскага раёна абвінавацілі ў асабліва злосным хуліганстве з пагрозай ужывання зброі; крадзяжы; набыцці матэрыяльных каштоўнасцей, свядома здабытых злачынным шляхам; знішчэнні афіцыйных дакументаў.
«Па дадзеных следства, абвінавачаныя ў стане алкагольнага ап’янення ў маршрутным аўтобусе, які ехаў з в. Ляскоўка ў Мінск, пагражаючы металічным кастэтам, збілі рукамі і нагамі двух мужчын. У аднаго з пацярпелых скралі барсетку, у якой былі грошы і асабістыя рэчы. З мэтай схаваць крадзеж знішчылі афіцыйныя дакументы на імя пацярпелага, а грошы падзялілі», — паведаміла прадстаўнік упраўлення Следчага камітэта па Мінскай вобласці Таццяна Беланог.
Падчас расследавання выявілася, што 17-гадовы фігурант справы мае дачыненне і да звароту псіхатропаў у Мінскім раёне. На прыпынку грамадскага транспарту ў аграгарадку Лясны ён прадаваў асабліва небяспечнае псіхатропнае рэчыва QCBL-BZ-F. Яго будуць судзіць і за гэта.
Крымінальная справа перададзена пракурору для накіравання ў суд.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары