Санітарка Юлія Ануфрыева, якая загінула пры пажары ў псіханеўралагічным інтэрнаце ў Наўгародскай вобласці Расіі, валодала святасцю, заявіў патрыярх Маскоўскі і ўсёй Русі Кірыл пасля багаслужбы ў Феадораўскім саборы Пецярбурга.
«Сёння мы маліліся аб тых, хто загінуў у пажары ў Ноўгарадзе, і асабліва аб рабе Божай Юліі Ануфрыевай, санітарцы псіханеўралагічнага дыспансера для састарэлых людзей. Калі адбыўся пажар, гэтая жанчына вынесла на сабе 23 чалавекі, бо яны не маглі рухацца. 24-га яна вынесці не змагла, бо павалілася бэлька, абрынуўся дах, і яна загінула».
Патрыярх Кірыл заклікаў памятаць імёны такіх людзей, як Юлія Ануфрыева.
16 верасня ў Наўгародскай вобласці аб’яўлены днём жалобы па ахвярах пажару ў інтэрнаце. Ва ўсёй вобласці будуць прыспушчаныя расійскія сцягі. Медсястру Юлію Ануфрыеву збіраюцца пасмяротна ўзнагародзіць.
Пажар у будынку інтэрната ў вёсцы Лука успыхнуў у ноч на 13 верасня. Па апошніх дадзеных, ахвярамі пажару сталі 37 чалавек.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары