Były kiraŭnik «Pinskdreva» Łaran Arynič, abvinavačany pa spravie ab vybuchu, jaki zdaryŭsia na pradpryjemstvie i prynios 14 achviar, vyjechaŭ za miežy Biełarusi.
Pavodle adnaho z byłych padnačalenych Aryniča, jon źjechaŭ na lačeńnie ŭ Prybałtyku. Padčas apošniaj razmovy ź im hučała, što zachadaŭ na abmiežavańnie pierasoŭvańnia z boku prakuratury jamu nie było vyniesiena.
Rodnyja byłoha dyrektara «Pinskdreva» Łarana Aryniča admaŭlajucca kamentavać infarmacyju pra mahčymyja ŭcioki Łarana Aryniča. Žonka byłoha dyrektara paviedamiła Radyjo Svaboda:
«Vy mnie prabačcie, ale heta jaho prablemy. Ja dumaju, što jon sam dobra viedaje i razumieje, što robić. Ja dumaju, što kožny atrymaje svajo. Prabačcie, ale ja nia maju prava davać kamentary. Kali budzie moj muž doma, to jon i adkaža na vašyja pytańni. A kali jon budzie doma? Kali budzie, tady i adkaža».
Padčas schodu akcyjaneraŭ rodnyja Łarana Aryniča źviarnulisia da akcyjaneraŭ z zaklikam padtrymać hanarovaha žychara Pinsku, byłoha dyrektara chołdynhu. Ale nivodzin z akcyjaneraŭ na heta nie pahadziŭsia.
Kamientary