Palityčnyja i nia vielmi palityčnyja demanstracyi — zvykłaja častka subotniaha haradzkoha krajavida.
Troški niefarmalnaha :)
Špacyr pa centry subotniaha Londana dazvalaje stvaryć uražańnie pra niečuvalnuju dla Maskvy ci Mienska palityčnuju aktyŭnaść u brytanskaj stalicy.
Pobač z Zimbabwe House, dzie miaškaje ambasada Zymbabve, štosubotu adbyvajecca šumnaja demanstracyja, na jakoj para dziasiatkaŭ zymbabvijskich apazycyjaneraŭ śpiavajuć psalmy i zaklikajuć da adstaŭki Roberta Mugabe.
Krychu dalej, na Trafalharskaj płoščy, spačatku sustrakaje dva pikiety iranskich dysydentaŭ, jakija pratestujuć suprać Machmuda Achmadynedžada i palityčnych represij, trymajuć partrety palitviaźniaŭ.
Na toj ža samaj płoščy, na jaje supraćlehłym baku — demanstracyja suprać pedafilii.
Uvahu na joj raptoŭna pryciahnuŭ uvahu ściah z… našaj staradaŭniaj litoŭskaj Pahoniaj:hrupa litoŭcaŭ staić z transparantami, pavodle jakich Litoŭskaja respublika pakryvaje pedafiłaŭ (vidavočna, adsyłka da historyi Drasisa Kiadzisa).
A na inšaj vulicy niepadalok, pobač z India House pratestujuć separatysty z Džammu i Kašmir, paŭnočnych rehijonaŭ Indyi.
{FOTOS}
Voś takoje voś prava na schody, voś takaja voś palityčnaja aktyŭnaść mižnarodnaha razmachu. I heta nie kažučy pra inšyja akcyi, kštałtu permanentnaha namiotavaha lahiera niejkich viečnych levych chipi-pacyfistaŭ pierad budynkam parlamenta.
Ciapier čytajuć
Viciebski viadučy pažartavaŭ na zakrytym mierapryjemstvie. Praź dźvie hadziny da jaho pryjechała milicyja praz danos15
Viciebski viadučy pažartavaŭ na zakrytym mierapryjemstvie. Praź dźvie hadziny da jaho pryjechała milicyja praz danos
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1212
Kamientary