Rotam kamunista Syrankova znoŭ ukidvajecca ideja admianić u Biełarusi prezidenckija vybary
Stalinist Syrankoŭ prykryvajecca intaresami naroda. Maŭlaŭ, nieabyjakavyja hramadzianie padčas dzion infarmavańnia nibyta kažuć, što ŭsieahulnyja vybary — piekła.
Pieršy sakratar prałukašenkaŭskaj kamunistyčnaj partyi Siarhiej Syrankoŭ «nie vyklučaje», što zamiest usieahulnych prezidenckich vybaraŭ kiraŭnika Biełarusi buduć abirać na Usiebiełaruskim narodnym schodzie pa anałohii z Kitajem.
Pra heta jon zajaviŭ, dajučy intervju ministru infarmacyi Maratu Markavu ŭ efiry ANT.
«My zaŭsiody zychodzim ź intaresaŭ naroda. <…> Biełarusy ŭžo dvojčy padtrymali prezidenta ŭ hetym płanie: pa-pieršaje, u 2024 hodzie, kali delehaty Usiebiełaruskaha narodnaha schodu abrali jaho staršyniom UNS, a sioleta — prezidentam.
Ja nie vyklučaju, što, kali z boku ludziej pastupić taki zapyt — a razmovy pra heta ŭžo viaducca, skažu ščyra, na dyjałohavych placoŭkach i padčas adzinych dzion infarmavańnia, — hramadzianie zadajuć pytańnie: navošta prachodzić hetyja koły piekła, kali jość vydatny dośvied Kitaja?», — skazaŭ Syrankoŭ.
Takuju ideju Alaksandr Łukašenka zakinuŭ jašče letam 2022 hoda, nieŭzabavie paśla taho, jak pravioŭ čarhovy refierendum pa źmienach u Kanstytucyju.
«My darma nie ryzyknuli prapanavać ludziam vybirać orhany ŭłady, asabliva prezidenta, na Usiebiełaruskim narodnym schodzie. Vybary prezidenta — heta zaŭsiody budzie razhojdvać situacyju. Pahladzicie ŭ Kitai: usio ž palityka i partyjnaja dziejnaść — heta taksama prafiesijnaja praca», — kazaŭ tady Łukašenka. Paśla hetaha ideołahi i palityki pieryjadyčna nahadvajuć pra jaho dumku.
Syrankoŭ — nastaŭnik zamiežnaj movy z Krasnapolla. Pracavaŭ dyrektaram škoły, paśla trapiŭ u Krasnapolski rajvykankam. U 2019-2023 byŭ pryznačanany deputatam Pałaty pradstaŭnikoŭ. Z 2024 — pieršy sakratar Kamunistyčnaj partyi. U 2025-m byŭ sparynh-partnioram Alaksandra Łukašenki na prezidenckich vybarach. Syrankova pastavili na druhoje miesca i namalavali jamu 3,2% hałasoŭ vybarcaŭ.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
Što da isnujučaha ŭzurpatara, to jahony čas usie ž niaŭchilna kocicca da skonu, hedak žyćcie uładkavana. Tamu kab pryniać ideju vybaraŭ biez vybaraŭ UVOHULE, to tady ŭžo davajcie kazać pra spadčynnaść ułady tavaryšy kamunizdy