Para była razam dziasiatak hadoŭ. Dyjana Šybkoŭskaja namiakaje na boski sud za zdradu i sprabuje vyklikać reŭnaść.
Heta byli adnosiny, poŭnyja idejnaj blizkaści. 32-hadovy Andrej Łazutkin — apantany palitołah-kamunist. 44-hadovaja Dyjana Šybkoŭskaja — aŭtarka «Minskaj praŭdy», rupara radykalnaj prapahandy, i čałaviek z koła «Rassupracoŭnictva». Razam jany ź siaredziny 2010-ch. Dziaciej u ich nie było, ale ŭ Šybkoŭskaj jość dačka ad pieršaha šlubu.
Łazutkin, bieskampramisny łajalist, byŭ prateže Ihara Karpienki, tady — ministra adukacyi, a ciapier staršyni śviataja śviatych CVK. Karpienka ŭładkavaŭ Łazutkina na pracu ŭ ministerstva.
Para vystaŭlała svaje adnosiny napakaz: voś my hulajem pa Rasii, voś my razam łajem zmaharoŭ, voś my razam chvalim Rasiju — adnym słovam, žyviom. Ale ź viasny 2025-ha niešta pajšło nie tak.
12 sakavika 2025 hoda ŭ fejsbuku Šybkoŭskaj źjaviłasia fota płakata «Abdymi, kali zakachany nieŭzajemna» — i raźbitaje serca. Jana sama zrabiła jaho na pracy.
Praź dzieviać dzion u sacyjalnych sietkach žančyny źjaviłasia pryznańnie: «Chočacca lohkaści, ciepłyni, zakachacca i stracić hałavu!» — napisała Šybkoŭskaja.
26 sakavika Z-aŭtarka raźmiaściła apisańnie pakut pa Dante dla zdradnikaŭ: jany ŭmierźli ŭ lod pa šyju tvaram uniz. Možna zdahadacca, kamu adrasavałasia hetaje pasłańnie.
Jašče praz čatyry dni Dyjana namiaknuła, što pra jaje papaŭźli niepraŭdzivyja čutki: «Kali čałavieku nie chapaje stałaści źmirycca z tym faktam, što jon zrabiŭ z vami niapravilna, to jon stvaraje pra vas vydumanuju historyju, kab nie adčuvać siabie vinavatym».
U pačatku krasavika Dyjana raźmiaściła zdymak u čyrvonaj sukiency z podpisam: «Supakojciesia, ja nie flirtuju, ja zaŭsiody tak razmaŭlaju». Prykładna ŭ hety dzień, darečy, jana mahła bačyć žyŭcom svajo byłoje kachańnie — jany razam zapisvali pieradaču dla «Minskaj praŭdy».
«Tabie nie budzie viečna 17 i tvajo viečnaje kachańnie skončycca taksama», — napisała ŭ čarhovym dopisie prapahandystka, prailustravaŭšy vyraz cytataj Čarlza Bukoŭski pra toje, što možna było b kachać dziesiać tysiač ludziej, kali b tolki ich viedać.
Na pačatku maja Šybkoŭskaja vyčyściła z telefona fota z byłym. Ale ci ŭdałosia vykraślić z pamiaci?
«Tolki pryroda i žyvioły — heta adzinaje sapraŭdnaje ŭ hetym śviecie, biez masak, chłuśni, čałaviečaj duraści, kryvadušša i roznaha rodu zdrady. Jany prosta žyvuć pa svaich instynktach i žyviolnych zakonach, časam davoli žorstkich, i ŭ hetym vializnaja ščyraść. Adna ź jakaściaŭ, jakuju najbolš caniu», — pisała Šybkoŭskaja.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu55
Kamientary