Prakuratura rastłumačyła, čamu ŭ Biełarusi zabaranili łahatyp modnaha brytanskaha brenda
Prakuratura ličyć, što hety łahatyp nivieliruje ŭ moładzi nieciarpimaść da nacyzmu.
Prokuratura Homielskaj vobłaści pryznała ekstremisckim łahatyp brytanskaha modnaha brenda BOY London.
Adzieńnie z łahatypam u vyhladzie arła, jaki trymaje ŭ łapach litaru «O», prakurory znajšli na markietpłejsach. Pavodle vysnovy viedamstva, łahatyp padobny da partyjnaha arła NSDAP, tolki zamiest svastyki jon trymaje litaru.
U prakuratury pryznali, što aŭtary brenda admaŭlajuć padabienstva z nacysckim simvałam. Adnak, na dumku viedamstva, «vyjava brenda na pastajannaj asnovie padviarhajecca krytycy z boku asobnych nacyjanalnych hrup i słajoŭ nasielnictva, tym samym spryjajučy ŭźniknieńniu kanfliktaŭ na rasavaj, nacyjanalnaj, relihijnaj abo inšaj sacyjalnaj asnovie, u tym liku ŭ internecie».
«Znachodžańnie ŭ svabodnym abarocie pradukcyi hetaj handlovaj marki ničym nie pamianšała ŭ nasielnictva, pierš za ŭsio ŭ padrastajučaha pakaleńnia, niepieranosnaść da nacyzmu.
Heta spryjała skažeńniu histaryčnaj pamiaci, pakolki ŭchvalałasia vykarystańnie ŭ paŭsiadzionnym žyćci, u tym liku praz schavanaje brendavańnie, simvoliki i atrybutyki arhanizacyj i inšych struktur, jakija ździejśnili złačynstvy suprać miru i biaśpieki čałaviectva, vajskovyja i inšyja złačynstvy, ustanoŭlenyja pryhavoram Mižnarodnaha vajennaha trybunała», — havorycca ŭ zajavie prakuratury.
U vyniku łahatyp pryznali «ekstremisckim», a ŭsiu vopratku ź im prakurory daručyli vyniać z prodažu ŭ Biełarusi.
Brend BOY London zasnavaŭ u 1976 hodzie brytanski anarchist Stefan Rejnar. Brend pačaŭ vypuskać pravakacyjnuju i kanfrantacyjnuju vopratku, jakaja karystałasia vialikim pośpiecham u moładzi — pierš za ŭsio, niefarmałaŭ.
-
U Salihorsku pakazali, što robicca ŭ adnym z damoŭ sa śmiećciepravodam VIDEA
-
U Brasłavie basiejn, adkryty da 7 listapada, spyniŭ pracu ŭžo praź niekalki dzion
-
«Ludzi, jakija prymajuć rašeńni i staviać podpisy, stali chavacca». Advakatka Cichanoŭskaha, Babaryki i Dziadka raskazała pra sudździaŭ, jakija vynosiać niezakonnyja prysudy
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5858
Kamientary
Burnaja vidimosť nieobchodimosti, niezamienimosti i ostalnych sti........
Babło iz vozducha kujotsia.