Premjer Litvy nie vyklučaje, što ZŠA mohuć pasprabavać prymusić Vilniu źniać sankcyi ź biełaruskaha kaliju
Pavodle źviestak litoŭskich śpiecsłužbaŭ, Biełaruś sprabuje łabijavać źniaćcie sankcyj i adnaŭleńnie ekspartu praz port u Kłajpiedzie.
Premjer-ministr Litvy Hintaŭtas Pałuckas nie vyklučaje cisku z boku ZŠA pa pytańni biełaruskaha kaliju.
Kiraŭnik litoŭskaha ŭrada miarkuje, što stratehičnyja partniory mohuć paprasić Vilniu adnavić ekspart uhnajeńniaŭ praz port u Kłajpiedzie, paviedamlaje LRT.
«Najpierš, treba bolš hruntoŭna razabracca, chto na samoj spravie zacikaŭleny ŭ hetym, bo, miarkujučy pa ŭsim, paśla ŭviadzieńnia dadatkovych taryfaŭ dla Kanady ZŠA šukajuć bolš tannyja krynicy ŭhnajeńniaŭ. Ja b nie vyklučyŭ takoj mahčymaści, što ŭ najbližejšy čas našy stratehičnyja partniory mohuć paprasić nas pierahledzieć hetyja sankcyi», — adznačyŭ Pałuckas.
Pry hetym premjer-ministr zapeŭniŭ, što pytańnie źmiakčeńnia sankcyj suprać Biełarusi va ŭradzie nie razhladajecca.
«Urad pakul takich płanaŭ dakładna nie maje», — padkreśliŭ jon.
U apublikavanaj spravazdačy Dziaržaŭnaha departamienta biaśpieki i Druhoha departamienta apieratyŭnych słužbaŭ pa acency pahroz nacyjanalnaj biaśpiecy adznačajecca, što biełaruskija dziaržaŭnyja struktury sprabujuć adnavić ekspart kalijnych uhnajeńniaŭ praz Kłajpiedski marski port.
U dakumiencie ŭkazvajecca, što pradstaŭniki biełaruskich ustanoŭ viaduć łabisckuju dziejnaść z metaj źmianić pazicyju Litvy i ES u adnosinach da sankcyj, a kampanija «Biełaruśkalij» imkniecca zachavać dziełavyja suviazi ŭ Litvie.
Ciapier čytajuć
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1919
Kamientary