U Chojnikach adkryli pamiatny znak u honar Ivana Mieleža. Na ruskaj movie
Napiaredadni 104-hodździa z dnia naradžeńnia biełaruskaha piśmieńnika, uradženca Chojnikščyny Ivana Mieleža ŭ haradskim parku na alei «Hanarovyja hramadzianie Chojnickaha rajona» ŭšanavali imia kłasika biełaruskaj litaratury. Spravazdaču apublikavała miascovaje vydańnie.
Na Chojnikščynie praciahvajucca mierapryjemstvy, pryśviečanyja 104-hodździu z dnia naradžeńnia Ivana Mieleža, piša rajonka.
U Domie kultury prajšła litaraturna-muzyčnaja prahrama «Piaśniar paleskaj ziamli». A ŭ parku na alei «Hanarovyja hramadzianie Chojnickaha rajona» ŭšanavali imia kłasika pamiatnym znakam. Letaś Mieležu było prysvojena zvańnie «Hanarovy hramadzianin Chojnickaha rajona».
— Nam varta bierahčy pamiać pra čałavieka, jaki svajoj tvorčaściu, luboŭju da rodnych miaścin natchniaŭ pakaleńni biełarusaŭ. Imia Ivana Mieleža nosiać vulicy ŭ haradach našaj krainy, škoły, teatr i muziej. Siońnia my addajom daninu pavahi słavutamu ziemlaku, — adznačyła kiraŭnička rajonnaha adździaleńnia partyi «Biełaja Ruś» Ludmiła Rudčanka, jakaja adkryvała pamiatny znak.
Pamiatny znak kłasiku biełaruskaj litaratury ŭ Chojnikach pastavili na ruskaj movie.
Kamientary
Da sapraŭdnaha biełarusa Bykava, daj božie, takoj ŭvahi nie budzie.