Z Polščy z pačatku hoda departavali dzieviać biełarusaŭ, jakim admovili ŭ mižnarodnaj abaronie
Bolšaść biełarusaŭ, jakija prosiać mižnarodnuju abaronu ŭ Polščy, atrymlivajuć zhodu. Z pačatku 2024 hoda kala 2100 biełarusaŭ atrymali abaronu, admovili tolki 109, a dzieviać ź ich departavali, piša Biełsat.
Polskaje vydańnie Oko.press apublikavała statystyku ad pamiežnikaŭ ab nadańni zamiežnikam mižnarodnaj abarony. Pavodle hetaj statystyki, u 2023 hodzie pa mižnarodnuju abaronu (status uciekača abo dadatkovuju abaronu) u Polščy źviartalisia zvyš 9 tysiač čałaviek. Stanoŭčaje rašeńnie atrymała pałova, ź ich 2,9 tysiačy — hramadzianie Biełarusi, 1,1 tysiačy — Ukrainy.
Ad pačatku 2024 hoda da kanca vieraśnia zajavy na mižnarodnuju abaronu padała ŭžo bolš čałaviek, čym za ceły minuły hod: 12,3 tysiačy. Ź ich 4,5 tysiačy čałaviek — hramadzianie Ukrainy, 2,9 tysiačy — Biełarusi.
Zajavy padavali taksama hramadzianie trecich krainaŭ, jakija pierachodzili biełaruska-polskuju miažu. Status uciekača prasili 441 čałaviek z Erytrei, 431 z Samali, 419 z Efiopii, 389 ź Siryi i 198 z Afhanistana — kolki ź ich pryjšło mienavita ź Biełarusi, nie ŭdakładniajecca, ale hramadzian hetych krainaŭ najčaściej łavili na sprobach niezakonnaha pierachodu biełaruska-polskaj miažy.
Uchvalili za hety hod 4,8 tysiačy zajavaŭ na mižnarodnuju abaronu, u tym liku 2,3 tysiačy — ad hramadzian Ukrainy, 2,1 tysiačy — Biełarusi.
Mienavita status uciekača, a nie dadatkovuju abaronu (jakuju prosiać i vydajuć čaściej), prasili ŭ Polščy ŭ 2023 hodzie 64 čałavieki, stanoŭčyja rašeńni atrymali 5, admoŭnyja — 34, pakinuli biez razhladu 29 zajavaŭ. Z pačatku 2024 hoda status uciekača prasili 83 zamiežniki, 16 atrymali admovu, 35 spravaŭ pakinuli biez razhladu.
Nievialikuju častku tych, chto atrymlivaje admovy, departujuć. Z 1 studzienia pa 29 kastryčnika 2024 hoda z Polščy departavali 18 čałaviek u Rasiju, 9 u Biełaruś, 5 u Hruziju, 2 u Tadžykistan, pa adnym va Uźbiekistan i Ukrainu. Rešta tych, kamu admovili, mahła samastojna pakinuć Polšču, asprečyć admovu abo znajści inšy šlach lehalizacyi.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary