Prezident Polščy straciŭ častku palca, zajmajučysia chatnimi spravami
Andžej Duda jašče ŭ kastryčniku źjaviŭsia na publicy ŭ paviazcy. A ŭ paniadziełak na śviatkavańni Dnia niezaležnaści jon źniaŭ palčatku.
11 listapada Andžej Duda pryniaŭ udzieł u tradycyjnaj cyrymonii la Mahiły Nieviadomaha Sałdata ŭ Varšavie z nahody Dnia niezaležnaści.
Padčas uskładańnia vianka prezident Polščy źniaŭ palčatku, kab papravić stužku. Polskija žurnalisty zaŭvažyli adnu detal: na pravaj ruce Dudy adsutničała častka palca, piša TVN24.
Duda stracił czubek środkowego palca u prawej dłoni.
Musiało boleć pic.twitter.com/PQ82EPKZb9
Polski prezident źjaviŭsia z paviazkaj na palcach pravaj ruki jašče ŭ kastryčniku ŭ Siejmie. Ale toje, što adbyłosia, stała viadoma tolki ciapier — ad sakratara kancylaryi prezidenta Vojciecha Kałarskaha.
«Prezident niekalki tydniaŭ tamu źjaviŭsia na publicy z paviazkaj, pakolki davoli surjozna paškodziŭ palec, vykonvajučy pracu pa domie. Patrebna była nievialikaja pracedura, ale ciapier usio ŭ paradku», — raskazaŭ Kałarski.
Pa jaho słovach, incydent z Dudaj adbyŭsia ŭ jaho volny čas.
«Na žal, toje, što zdaryłasia z prezidentam, — heta toje, što moža zdarycca ź lubym čałaviekam», — dadaŭ sakratar.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary