Mastaku Ivanu Viarbickamu da vaśmi hadoŭ dadali jašče dva hady źniavoleńnia
Viasnoj 2021 hoda jaho asudzili na vosiem hadoŭ kałonii.
Ivan — mastak z Halšanaŭ, maje dźvie vyšejšyja adukacyi. Jaho zatrymali ŭ kastryčniku 2020 hoda, a ŭ sakaviku 2021 hoda pryznali vinavatym adrazu pa niekalkich kryminalnych artykułach i asudzili da 8 hadoŭ i 1 miesiaca kałonii, piša «Viasna».
Zhodna z materyjałami spravy, 14 kastryčnika 2020 hoda «ŭ metach destabilizacyi hramadskaha paradku hramadzianin raźmiaściŭ u adnoj z hrup telehram-kanała tekstavyja paviedamleńni, u jakich utrymlivalisia zakliki da paškodžańnia «kaktejlami Mołatava» budynka KDB i padpału prakuratury Ašmianskaha rajona. U hety ž dzień i ŭ tym ža telehram-čacie pad nikam «Dimon D» jon raźmiaściŭ paviedamleńnie z zaklikami da paškodžańnia i źniščeńnia majomaści supracoŭnikaŭ pravaachoŭnych orhanaŭ šlacham padpału transpartnych srodkaŭ, jakija naležać im. Miž tym padčas pieratrusu supracoŭniki orhanaŭ unutranych spraŭ vyjavili i kanfiskavali bojeprypasy i vybuchovyja rečyvy».
Viadoma, što ŭ papraŭčaj kałonii na źniavolenaha halšanca akazvaŭsia cisk: dva miesiacy Ivana ŭtrymlivali ŭ ŠIZA i PKT. U vieraśni 2021 palitviaźniu ŭzmacnili pakarańnie i etapavali ŭ mahiloŭskuju turmu №4. U 2022 hodzie jaho asudzili pa č. 1 art. 411 KK (złosnaje niepadparadkavańnie administracyi kałonii). Spravu razhladała sudździa Taćciana Kaściuk.
8 maja ŭ Barysavie Ivana znoŭ asudzili pavodle č. 2 art. 411 KK. Sudździa Ludmiła Zinkievič pryznačyła jamu jašče 2 hady źniavoleńnia. Minski abłasny sud 26 lipienia razhledzić apielacyjnuju skarhu Ivana. Rašeńnie budzie prymać sudovaja kalehija pad staršynstvam sudździ Aleha Łapieki.
Padtrymać Ivana: Śledčaja turma № 8. 222163, h. Žodzina, vuł. Savieckaja, 22A, Viarbickamu Ivanu Francaviču
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary