Łatuška: Łukašenka sklikaŭ zakrytaje pasiadžeńnie Rady biaśpieki dla abmierkavańnia patrabavańniaŭ Polščy
Čym jon tak zakłapočany?
Nieaficyjnyja krynicy paviedamlajuć, što Polšča płanuje ŭvieści vielmi detalovy kantrol na vialikim mytnym terminale Małaševičy kala Tarespala. Heta istotna zapavolić pieramiaščeńnie tavaraŭ i moža vyjavić vialikuju kolkaść złoŭžyvańniaŭ.
Jak piša Gazeta Prawna, hetaja navina vyklikała vialikuju niervoznaść u Minsku. U intervju vydańniu Pavieł Łatuška spasyłajučysia na svaje krynicy paviedamiŭ, što Łukašenka pravioŭ dva zakrytyja pasiadžeńni, a taksama sabraŭ Radu biaśpieki. Hałoŭnaj temaj było abmierkavańnie nastupstvaŭ zakryćcia Polščaj pamiežnych pierachodaŭ. Łukašenka razumieje, da jakich ekanamičnych nastupstvaŭ moža pryvieści błakada tavaraŭ, kali da hetaha dałučacca Litva i Łatvija.
Łatuška źviartaje ŭvahu, što Kitaj, zakłapočany pierśpiektyvaj uviadzieńnia detalovaha kantrolu ŭ Małaševičach, jaki zapavolić tranzit kitajskich tavaraŭ u ES, užo dvojčy prasiŭ Łukašenku patłumačyć, što adbyvajecca na polska-biełaruskaj miažy.
Palityk śćviardžaje, što novyja miery kantrolu taksama ŭdarać pa režymie Łukašenki.
Jak piša vydańnie, aficyjna Kitaj prapanavaŭ Polščy i Biełarusi pasprabavać vyrašyć mihracyjny kryzis šlacham dvuchbakovych pieramovaŭ. Ale heta padajecca małajmaviernym, bo Biełaruś vykarystoŭvaje mihrantaŭ jak srodak cisku na polskuju miažu. Sam Łukašenka ŭ svaim vystupie 2 lipienia daŭ zrazumieć, što nie źbirajecca ŭ hetym pytańni adstupać i navat pahražaŭ Polščy.
— Ja nie maju namieru addavać zahad pahraničnikam, vajskoŭcam i inšym, cyvilnym asobam, kab jany abaraniali Jeŭrapiejski sajuz na miažy Biełarusi i Polščy. Vy nakinuli piatlu na našu šyju i jašče prymušajecie nas, kab my abaraniali vas ad hetych harotnikaŭ, — cytuje Łukašenku Gazeta Prawna.
Adnak, jak piša vydańnie, kali z adnaho boku Łukašenka pahražaje i zajaŭlaje što nie adstupić ni na krok, z druhoha boku vidać, što ekanamičnyja rašeńni pačynajuć pracavać. Ab hetym śviedčyć zajava ab vyzvaleńni niekalkich palitźniavolenych.
Pa słovach Paŭła Łatuški, mahčyma, Łukašenka jašče nie zrazumieŭ namieru Polščy. Uviadzieńnie ŭzmocnienaha kantrolu tavaraŭ u Małaševičach budzie tolki častkaj kroku. Heta pavinna dać jamu zrazumieć, što kraina hatova zrabić poŭny krok.
Kiraŭnik MUS Polščy nie vyklučaje zakryćcia miažy ź Biełaruśsiu
Polšča ŭviadzie detalovy kantrol tranzitu z Kitaja praź Biełaruś, daviała da Minska patrabavańni
Kitaj pierajšoŭ na kryk pa pytańni biełaruska-polskaj miažy. Jak adreahuje Łukašenka?
Łukašenka: Siońnia nas sprabuje vučyć uvieś Jeŭrasajuz na čale sa Złučanymi Štatami
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary